完整藏文原文 · 德格版页 当前仅加载第 12 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་བྱས་སོ། །བཙུན་པ་བསླབ་པ་སྩལ་བས་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བུད་མེད་མ་མཆིས་པར་སྐྱེས་པ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། །དགེ་
D7a.012.0212b01.01སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་བརྗོད་པར་བྱའོ།། །།མདོར་ན། སྨྱོན་པར་གྱུར་དང་སེམས་འཁྲུགས་པ། །ན་བ་འོན་པ་འགྲོ་བ་རྣམས། །ནམ་མཁའ་མཚན་དང་བཞི་པ་དང་། །སྤྲུལ་པ་དང་ནི་མ་ནིང་ལམ། །ལམ་མ་ཡིན་དང་དགེ་སློང་
D7a.012.0212b02.01མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྐུན་པོ་སྨྱོན་པ་ཞིག་དང་
D7a.012.0212b03.01ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་འདྲོན་པ་མང་པོ་རྐུ་བ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ལམ་དུ་ཞུགས་
D7a.012.0212b04.01ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འདྲོན་པ་མང་པོ་དང་ལྷན་ཅིག་འགྲོགས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ནམ་
D7a.012.0212b05.01མཁའ་ལས་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་
D7a.012.0212b06.01མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་ལ་འདྲོན་པ་མང་པོ་རྐུ་བར་འདུ་ཤེས་ཏེ་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། །འདྲོན་པ་མང་པོ་རྐུ་བ་ལ་རྐུ་བ་མ་ལགས་པར་
D7a.012.0212b07.01