完整藏文原文 · 德格版页 当前仅加载第 12 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཅན་མེད་ན་འཚོ་བར་མི་ནུས་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཤིང་ལྷམ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་ཤིང་ལྷམ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཆུ་ཡོད་པའི་
D7a.012.0256a01.01ཡུལ་ཆུས་གང་བས་ཤིང་ལྷམ་མེད་པར་འགྲོ་མི་ནུས་པ་དེར་རོ། །པགས་པའི་དངོས་པོ་རྫོགས་སོ།། །།མདོར་ན། སྨན་གཉིས་ལན་ཚྭ་རྣམ་པ་གཉིས། །མར་ལ་རྣམ་གཉིས་དེ་བཞིན་ཏེ། །ས་དང་བཙོས་དང་བུ་རམ་དང་། །འབྲུ་མར་ཕན་པ་ཐ་མའོ། །
D7a.012.0256a02.01སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྨན་དེ་ཉིད་སྔ་དྲོའི་ལགས་ལ་དེ་ཉིད་སླད་དྲོའི་ཡང་ལགས་དེ་ཉིད་ཞག་བདུན་པའི་ཡང་ལགས། དེ་ཉིད་ནམ་འཚོའི་བར་དུ་བཅང་བ་ལགས་པ་འགྱུར་བ་མཆིས་སམ། ཨུ་པཱ་ལི་ཡོད་དེ། བུ་རམ་
D7a.012.0256a03.01ཤིང་ནི་སྔ་དྲོའིའོ། །ཁུ་བ་ནི་ཕྱི་དྲོའིའོ། །བུ་རམ་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་ཞོ་ནི་སྔ་དྲོའིའོ། །ཆུ་ནི་ཕྱི་དྲོའིའོ། །མར་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་
D7a.012.0256a04.01ཤ་ནི་སྔ་དྲོའིའོ། །ཞག་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་འབྲུ་ནི་སྔ་དྲོའིའོ། །འབྲུ་མར་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །བཙུན་པ་སྔ་དྲོ་བ་དང་ཕྱི་དྲོ་བ་དང་། ཞག་བདུན་པའི་དང་། ནམ་
D7a.012.0256a05.01འཚོའི་བར་གྱི་སྨན་འདི་དག་རྣམས་ཕན་ཚུན་འདྲེས་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་བླངས་པ་དང་། བྱིན་ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པའི་རྣམས་འཚལ་
D7a.012.0256a06.01དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་དགེ་སློང་གིས་སྔ་དྲོའི་དང་། སླད་དྲོའི་དང་། ཞག་བདུན་པའི་དང་། ནམ་འཚོའི་བར་གྱི་སྨན་གང་ལགས་པ་དེ་དག་བླངས་པ་དང་། བྱིན་ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་།
D7a.012.0256a07.01