完整藏文原文 · 德格版页 当前仅加载第 12 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་སྟེ། གང་དེས་ལྟ་བ་མ་སྤངས་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་པ་ན་མིག་ལམ་ན་མི་སྣང་བར་བྱོས་ཤིག །དེ་སྟེ་དེས་ལྟ་བ་སྤངས་ན་བསྙེན་པར་རྫོགས་པ་ཞེས་བྱ་
D7a.012.0237a01.01སྟེ། ཉེ་བར་གནས་ན་མིག་ལམ་ན་མི་སྣང་བར་མ་བྱ་ཞིག །བཙུན་པ་མུ་སྟེགས་ཅན་དུ་སོང་བའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་ཞེས་བྱ་སྟེ། གང་
D7a.012.0237a02.01གིས་བསླབ་པ་མ་ཕུལ་བར་མུ་སྟེགས་ཅན་གྱི་རྒྱལ་མཚན་བཟུང་བར་གྱུར་ལ། དེའི་ལྟ་བ་ལ་ཡང་དགའ་བ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག །གང་གིས་བསླབ་པ་ཕུལ་ལ་མུ་སྟེགས་ཀྱི་རྒྱལ་མཚན་
D7a.012.0237a03.01བཟུང་བར་གྱུར་ནས་ཀྱང་དེའི་ལྟ་བ་ལ་ཡང་མི་དགའ་བར་གྱུར་པ་དེ་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱ་ཞིག །བཙུན་པ་རྐུ་ཐབས་སུ་གནས་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་
D7a.012.0237a04.01ཅིག་ནི་བསྙེན་པར་མ་རྫོགས་པའོ། །ཁ་ཅིག་ནི་བསྙེན་པར་རྫོགས་པ་ཞེས་བྱ་སྟེ། གང་གིས་བརྐུ་སེམས་ཀྱིས་རང་གི་མཚན་མ་བླངས་ཏེ། ལན་གཉིས་ལན་གསུམ་དུ་གསོ་སྦྱོང་གི་ལས་ཉམས་སུ་མྱོང་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ནའང་
D7a.012.0237a05.01མིག་ལམ་ན་མི་སྣང་བར་བྱོས་ཤིག །གང་གིས་བརྐུ་སེམས་ཀྱིས་རབ་ཏུ་མ་བྱུང་ལ་གསོ་སྦྱོང་གི་ལས་ལན་གཅིག་མྱོང་ངམ་མ་མྱོང་བར་གྱུར་པ་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱ་ཞིག །བཙུན་པ་སོ་སོར་གནས་པའི་གང་
D7a.012.0237a06.01ཟག་བསླབ་པ་ཕུལ་ནས་ཁྱིམ་པའི་དངོས་པོར་མཆིས་པ་ལས་དེ་སླར་ལེགས་པར་གསུངས་པའི་ཆོས་འདུལ་བ་ལ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་ནི་བྱ་སྟེ། བསྙེན་པར་རྫོགས་པར་བྱེད་པ་ནི་འདས་
D7a.012.0237a07.01