完整藏文原文 · 德格版页 当前仅加载第 12 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་གིས་ལྷུང་བཟེད་ཆེན་པོ་ཞིག་བཅངས་པ་ན་མཚན་འཕོས་ཏེ་དགེ་སློང་མར་གྱུར་ནས་བཅངས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྤང་བའི་ལྷུང་བཟེད་སྟོར་བར་གྱུར་ན་ལྟུང་བ་བཤགས་པར་བགྱིའམ། ཨུ་པཱ་ལི་བཤགས་པར་བྱའོ། །
D7a.012.0131b01.01ནོངས་པ་བཤགས་ནས་སླར་རྙེད་ན་སྤང་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པ་
D7a.012.0131b02.01བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་ཡུལ་གཞན་དུ་དགེ་སློང་ལ་ལྷུང་བཟེད་ཅིག་བསྐུར་བར་བྱས་ནས། དེས་ལྷུང་བཟེད་དེ་ཤིན་ཏུ་ཡུན་རིང་པོར་བཅངས་ཀྱང་ཉེས་པ་མེད་དོ། །བཙུན་པ་དགེ་སློང་གིས་མུ་སྟེགས་ཅན་གྱི་ལྷུང་བཟེད་
D7a.012.0131b03.01བཅངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་མ་སྲེགས་པའམ། ལྷུང་བཟེད་ཆུང་ངུའམ། ལྷུང་བཟེད་ཆེན་པོ་བཅངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་དཀར་པོ་བཅངས་ན་ཅིར་འགྱུར། ཉེས་བྱས་སོ། །དགེ་སློང་
D7a.012.0131b04.01གིས་ལྷུང་བཟེད་རྙེད་མ་ཐག་ཏུ་སྨྱོས་པར་གྱུར་ན་གང་ནས་བཟུང་སྟེ་དགུང་བཅུར་བགྲང་བར་བགྱི། གང་གི་ཚེ་རང་གི་སེམས་སླར་རྙེད་པ་དེ་ནས་བཟུང་ངོ་། །བཙུན་པ་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པར་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་
D7a.012.0131b05.01ཡོད་དེ། ཇི་ལྟར་ཡང་དགེ་སློང་གིས་ལྷུང་བཟེད་རྙེད་ནས་ཞག་བཅུ་ལོན་པ་དང་། མཚན་འཕོས་ཏེ་དགེ་སློང་མར་གྱུར་ན་ཉེས་པ་མེད་དོ། །བཙུན་པ་དགེ་སློང་མས་དགུང་བཅུ་ལས་འདས་པར་ལྷུང་བཟེད་ལྷག་པར་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་
D7a.012.0131b06.01དགེ་སློང་མ་དེ་ལྷུང་བཟེད་རྙེད་མ་ཐག་ཏུ་མཚན་འཕོས་ཏེ་དགེ་སློང་དུ་གྱུར་ན་ཉེས་པ་མེད་དོ། །བཙུན་པ་དགེ་སློང་གིས་ཤིན་ཏུ་རིང་བར་ལྷུང་བཟེད་ལྷག་པ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་གིས་དགེ་སློང་ལ་ལྷུང་བཟེད་ཀྱི་ཕྱིར་ཕྲིན་པ་བཏང་
D7a.012.0131b07.01