完整藏文原文 · 德格版页 当前仅加载第 12 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་ཨུ་པཱ་ལིས་ཞུས་པ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལོ་ཉི་ཤུར་མ་ལོན་པའི་གང་ཟག་ཅིག་དགེ་སློང་གི་དངོས་པོར་བསྙེན་པར་རྫོགས་པར་བགྱིད་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་ལོ་ཉི་ཤུ་མ་ལགས་པར་
D7a.012.0213b01.01འདུ་ཤེས་ཏེ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱི་འམ། ཨུ་པཱ་ལི་འདི་བཞི་ནི་སྔར་འཁྲུགས་པ་སྟེ། ལོ་ཉི་ཤུ་ཡང་མ་ལོན་ལ་ལོ་ཉི་ཤུ་མ་ལོན་པར་ཡང་འདུ་ཤེས་ནས་དེ་ལ་དགེ་སློང་གིས་ལོ་ཉི་ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་བདག་ནི་
D7a.012.0213b02.01ལོ་ཉི་ཤུ་མ་ལོན་པར་ཤེས་ཤིང་དྲན་ཏེ་ཐེ་ཚོམ་མེད་དོ་ཞེས་སྨྲས་པ་དང་། གང་ཟག་དེ་དགེ་སློང་གིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་དང་པོའོ། །ལོ་ཉི་ཤུ་མ་ལོན་པར་གྱུར་ལ་ལོ་ཉི་ཤུ་མ་ལོན་པར་འདུ་ཤེས་ནས་དགེ་སློང་གིས་ལོ་ཉི་
D7a.012.0213b03.01ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་མི་ཤེས་སོ་མི་དྲན་ནོ། །ཞེས་སྨྲས་པའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་གཉིས་པའོ། །ལོ་ཉི་ཤུ་མ་ལོན་པར་གྱུར་ལ་ལོ་ཉི་ཤུ་མ་ལོན་པར་འདུ་ཤེས་
D7a.012.0213b04.01ནས་དགེ་སློང་གིས་ལོ་ཉི་ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་བདག་ནི་ཐེ་ཚོམ་ཟའོ་ཞེས་སྨྲས་པ་དང་། གང་ཟག་དེ་དགེ་སློང་གིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་གསུམ་པའོ། །ལོ་ཉི་ཤུ་མ་ལོན་པར་གྱུར་ལ་ཉི་ཤུར་མ་
D7a.012.0213b05.01ལོན་པར་འདུ་ཤེས་ནས་དགེ་སློང་གིས་དྲིས་ཀྱང་ལན་མི་གློན་པའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་བཞི་པ་སྟེ། ཨུ་པཱ་ལི་སྔར་འཁྲུགས་པ་འདི་བཞི་མ་གཏོགས་པར་ལྷག་མ་རྣམས་ནི་བསྙེན་པར་
D7a.012.0213b06.01རྫོགས་པ་ཞེས་བྱའོ། །བཙུན་པ་དགེ་སློང་གིས་ལོ་ཉི་ཤུ་མ་ལགས་པའི་གང་ཟག་ཅིག་དགེ་སློང་གི་དངོས་པོར་བསྙེན་པར་རྫོགས་པར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ལོ་ཉི་ཤུ་མ་ལགས་པའམ་ལོ་
D7a.012.0213b07.01