完整藏文原文 · 德格版页 当前仅加载第 12 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཨུ་པཱ་ལི་ལས་ཀྱི་སྲིད་པ་ནི་མངོན་པར་སྐྱེད་པའི་ཕྱིར་ཕ་ཞེས་བྱ་བས་ན་དེ་སྟེ་ཟག་པ་དང་བཅས་པའི་ལས་ཀྱི་སྲིད་པ་བསད་པར་གྱུར་པའོ། །དགེ་སློང་གིས་མ་བཀུམ་ན་མཐར་ཡང་མི་འགྱུར་ལ་མཚམས་
D7a.012.0097b01.01མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཨུ་པཱ་ལི་སྲེད་པ་ནི་སྐྱེད་པའི་ཕྱིར་མ་ཞེས་བྱ་བས་ན་སྲེད་པ་བསད་པར་གྱུར་པའོ། །བཙུན་པ་དགེ་སློང་གིས་མ་བཀུམ་པར་འཚལ་བ་ལས་བུད་མེད་གཞན་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་
D7a.012.0097b02.01པ་དགེ་སློང་གིས་བུད་མེད་གཞན་དགུམ་པར་འཚལ་བ་ལས་མ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་མ་བཀུམ་པར་བཤམས་པ་ལས་བུད་མེད་གཞན་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་
D7a.012.0097b03.01གིས་བུད་མེད་གཞན་དགུམ་པར་བཤམས་པ་ལས་མའི་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་མིའི་བུད་མེད་ཀྱི་མངལ་དུ་བྱོལ་སོང་གི་སྐྱེ་གནས་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་
D7a.012.0097b04.01བྱོལ་སོང་མོའི་མངལ་དུ་མི་བཀུམ་ན་ཅིར་འགྱུར། དེ་སྟེ་མངལ་ན་མིར་འདུ་ཤེས་ན་ནི་མཐར་འགྱུར་རོ། །དེ་ལྟ་མ་ཡིན་ན་ལྟུང་བའོ། །བཙུན་པ་མ་ནི་སྐྱེད་པ་ལགས་ལ། གཞན་ནི་གསོ་བ་ལགས་ན། དེ་གཉིས་གང་འཚོ་བ་དང་ཕྲལ་ན་མཐར་ཡང་འགྱུར་ལ་མཚམས་
D7a.012.0097b05.01མེད་པའི་ཁ་ན་མ་ཐོ་བར་ཡང་འགྱུར། གང་གིས་བསྐྱེད་པའོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་བཀུམ་ན་ཅིར་འགྱུར། མཐར་འགྱུར་རོ། །མི་ལ་མི་མ་ལགས་པར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་
D7a.012.0097b06.01ལ་མིར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ན། ཐེ་ཚོམ་རྣམ་པ་གཉིས་པ་དང་། །བདག་དང་དགྲ་བཅོམ་གཉིས་དེ་བཞིན། །
D7a.012.0097b07.01