完整藏文原文 · 德格版页 当前仅加载第 12 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫོགས་ནས་འཁྲུར་སྩལ་ལ་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་འཁྲུར་སྩལ་ལ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་
D7a.012.0129a01.01པར་འདུ་ཤེས་ཏེ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་བསྙེན་པར་
D7a.012.0129a02.01རྫོགས་མ་ལ་བསྙེན་པར་རྫོགས་མར་འདུ་ཤེས་ཏེ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་མ་ལ་བསྙེན་པར་མ་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། །དགེ་
D7a.012.0129a03.01སློང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། མུ་སྟེགས་ཅན་དགེ་སྦྱོང་གཞན་སྤྱོད་པ་པ་དང་། ཀུན་དུ་རྒྱུ་བ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་ལ་འཁྲུར་
D7a.012.0129a04.01བཅུག་ན་ཐམས་ཅད་ཉེས་བྱས་སུ་འགྱུར་རོ། །དགེ་སློང་མས་དགེ་སློང་དང་། དགེ་ཚུལ་ཕ་དང་། འདི་ལས་ཕྱིའི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར། ཉེས་བྱས་སོ། །
D7a.012.0129a05.01ཁྱིམ་བདག་དང་ཁྱིམ་བདག་མོ་ལ་ཡང་ཉེས་བྱས་སོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་ཏེ། །བཙོ་བ་དང་། རྨེལ་བའང་དེ་བཞིན་དུ་ཤེས་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །
D7a.012.0129a06.01སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་གི་ལག་གིས་གསེར་རམ་དངུལ་བླངས་སམ། ལེན་དུ་སྩལ་ན་སྤང་བའི་ལྟུང་བར་འགྱུར་རོ། །
D7a.012.0129a07.01