完整藏文原文 · 德格版页 当前仅加载第 12 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་མཉན་པར་བཤམས་ལ་བསྙེན་པར་མ་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་མཉན་ན་ཅིར་འགྱུར། ཉེས་
D7a.012.0219a01.01བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་
D7a.012.0219a02.01པར་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་མཉན་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བཙུན་
D7a.012.0219a03.01པ་དགེ་སློང་གིས་ཁྱིམ་པ་རྣམས་འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་
D7a.012.0219a04.01གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་ཅང་མི་ཟེར་བར་ཉན་ཅིང་འདུག་ན་ཐམས་
D7a.012.0219a05.01ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བའོ། །ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བར་འགྱུར་
D7a.012.0219a06.01རོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་རྣམས་འཐབ་མོར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་
D7a.012.0219a07.01