完整藏文原文 · 德格版页 当前仅加载第 12 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་ཏེ་བཤམས་ལ་བསྙེན་པར་རྫོགས་ཏེ་བཀུམ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བཀུམ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རུང་བར་མ་བགྱིས་པའི་འབྲས་བུ་འཚལ་ཀྱང་ནོངས་པར་མི་འགྱུར་བ་
D7a.012.0155b01.01མཆིས་སམ། ཨུ་པཱ་ལི་ཡོད་དེ། མངོན་པར་མ་སྨིན་པའི་ས་བོན་ནི་ས་བོན་གྱི་དངོས་པོ་མ་ཡིན་ནོ་སྙམ་དུ་བསམས་ནས་ཟོས་པའོ། །བཙུན་པ་དགེ་སློང་གིས་ས་བོན་གྱི་རིགས་ལྔ་ལ་མེས་རུང་བར་བགྱིས་ཏེ་འཚལ་ཀྱང་ལྟུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ས་བོན་
D7a.012.0155b02.01གྱི་རིགས་ལྔ་ལ་རུང་བར་བྱས་ཀྱང་སའི་ནང་དུ་གཞག་གམ། སྣོད་ཀྱི་ནང་དུ་གཞག་གམ། གདང་ཤིང་ལ་བཀལ་ཀྱང་རུང་སྟེ་མྱུ་གུ་སྐྱེས་པར་གྱུར་པའོ། །དེ་ཆུད་གསན་ན་ཅིར་འགྱུར། ལྟུང་བྱེད་དུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་
D7a.012.0155b03.01གཅིག་ནས་གཅིག །སྨྱོན་པ་སེམས་འཁྲུགས་ནད་པ་དང་། །འོན་པ་དང་ནི་འགྲོ་བ་དང་། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་ཕྲིན་གྱིས་ཤིང་བཀུམ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་།
D7a.012.0155b04.01ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ཞིག་ཤིང་འགུམས་སུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།
D7a.012.0155b05.01ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཤིང་གཅོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་མངོན་སུམ་དུ་ཁྱིམ་པ་ཤིང་འགུམས་སུ་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་
D7a.012.0155b06.01ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་།
D7a.012.0155b07.01