完整藏文原文 · 德格版页 当前仅加载第 12 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བགྱིས་པར་འཚལ་བཞིན་དུ་ཡང་ཕྱིས་ལས་ཀྱིས་བསྐྱོས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཆོས་བཞིན་གྱིས་རྩོད་པ་ཞི་བར་བགྱིས་པ་ལ་ལས་ཀྱིས་བསྐྱོས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་
D7a.012.0145a01.01ཡང་དེ་ནི་སྔོན་ཉེས་པ་བྱུང་བ་དང་། སྔར་འཁྲུགས་པ་དང་། མི་གནས་པ་རྣམས་ཀྱིས་ཆོས་བཞིན་དུ་རྩོད་པ་ཞི་བར་བྱས་པ་ལ་ཕྱིས་ལས་ཀྱིས་བསྐྱོས་ན་ཉེས་བྱས་སུ་འགྱུར་རོ། །བཙུན་པ་ཆོས་བཞིན་དུ་རྩོད་པ་ཞི་བར་བགྱིས་པ་ལ་དགེ་སློང་འཕགས་པས་འཕགས་པའི་སྐད་
D7a.012.0145a02.01དུ་ཕྱིས་ཡང་ལས་ཀྱིས་བསྐྱོས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །ཆོས་བཞིན་དུ་ཞི་བར་གྱུར་པའི་འཕགས་པས་མཐའ་འཁོབ་པའི་སྐད་དུ་འཕགས་པ་ལ་ཕྱིས་ལས་ཀྱིས་བསྐྱོས་པ་དང་། འཕགས་པ་དེས་ཀྱང་
D7a.012.0145a03.01མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །ཆོས་བཞིན་དུ་རྩོད་པ་ཞི་བར་གྱུར་པའི་འཕགས་པ་ལ་མཐའ་འཁོབ་པས་མཐའ་འཁོབ་པའི་སྐད་དུ་ཕྱིས་ལས་ཀྱིས་བསྐྱོས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར།
D7a.012.0145a04.01ཉེས་བྱས་སོ། །ཆོས་བཞིན་དུ་རྩོད་པ་ཞི་བར་གྱུར་པའི་མཐའ་འཁོབ་པ་ལ་མཐའ་འཁོབ་པས་འཕགས་པའི་སྐད་དུ་ཕྱིས་ལས་ཀྱིས་བསྐྱོས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆོས་བཞིན་
D7a.012.0145a05.01དུ་རྩོད་པ་ཞི་བར་གྱུར་ལ་ཕྱིས་ལས་ཀྱིས་དམིགས་པས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་རྩོད་པ་ཆོས་བཞིན་དུ་ཞི་བར་བགྱིས་པར་འཚལ་བཞིན་དུ་དབེན་པ་ལ་མི་དབེན་པར་འདུ་ཤེས་ཏེ་བསྐྱོས་ན་ཅིར་འགྱུར། ཉེས་བྱས་
D7a.012.0145a06.01སོ། །བཙུན་པ་དགེ་སློང་གིས་ཆོས་བཞིན་དུ་རྩོད་པ་ཞི་བར་གྱུར་པ་ལ་ཕྱིས་ལས་དེ་བསྐྱོ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་མས་ཆོས་བཞིན་དུ་རྩོད་པ་ཞི་བར་འགྱུར་བ་ལ་ཕྱིས་ལས་དེ་བསྐྱོ་བར་བགྱིད་པ་
D7a.012.0145a07.01