完整藏文原文 · 德格版页 当前仅加载第 12 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གཅེར་བུ་པའམ། གཅེར་བུ་མའམ། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་སྟེ། རང་གི་སུག་པ་ནས་བཅའ་བ་དང་བཟའ་བ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་གཅེར་བུ་པའམ། གཅེར་བུ་མའམ།
D7a.012.0187a01.01ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་གང་ཡང་རུང་སྟེ། རང་གི་ལག་གིས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱིན་ན་ཐམས་ཅད་ཉེས་བྱས་སུ་འགྱུར་རོ། །བཙུན་
D7a.012.0187a02.01པ་དགེ་སློང་གིས་གཅེར་བུ་པ་ཡང་རུང་གཅེར་བུ་མ་ཡང་རུང་ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་བའི་སྨྱོན་པ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།
D7a.012.0187a03.01ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་གཅེར་བུ་པ་དང་། གཅེར་བུ་མ་དང་། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་བ་ལ་བཅའ་བ་དང་བཟའ་བ་བྱིན་ན་ཐམས་
D7a.012.0187a04.01ཅད་ཉེས་བྱས་སུ་འགྱུར་རོ།། །།མདོར་ན། མི་རུང་ཟས་དང་གཅེར་བུ་པ། །སྣོད་དང་མཚན་དང་བདུན་པ་དང་། །བཞི་པ་དག་དང་སྔགས་རྣམས་དང་། །གཞན་གྱིས་གཞན་གྱི་མ་ནིང་ངོ་། །བཙུན་པ་དགེ་སློང་གིས་གཅེར་བུ་པའམ་ཀུན་ཏུ་རྒྱུ་བ་པོ་ཡང་རུང་སྟེ་བཅའ་བ་དང་བཟའ་བ་
D7a.012.0187a05.01སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བཟའ་བ་མ་གཏོགས་པར་དེ་ལས་གཞན་པའི་བཟའ་བ་དང་བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་མ་
D7a.012.0187a06.01གཏོགས་པར་དེ་ལས་གཞན་པ་དགེ་སྦྱོང་དང་བྲམ་ཟེ་རྣམས་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ཡང་རུང་དེ་ལ་བཅའ་བ་དང་བཟའ་བ་སྩལ་ཀྱང་ནོངས་པར་མི་འགྱུར་བ་མཆིས་སམ།
D7a.012.0187a07.01