完整藏文原文 · 德格版页 当前仅加载第 12 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་
D7a.012.0141a01.01ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཡང་ཉེས་བྱས་སུ་རྒྱས་པར་བརྗོད་པར་བྱའོ།། །།མདོར་ན། མི་རུང་བ་དང་བཞི་པ་དག །སྟོར་བ་ཚོལ་
D7a.012.0141a02.01བ་མཚན་དེ་བཞིན། །དེ་ཉིད་དང་ནི་བདུན་པ་འབྱུང་། །བྱིན་གྱིས་མ་བརླབས་བྱིན་གྱིས་བརླབས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་སྨན་ཞག་བདུན་ལས་འདས་ན་སྤང་བའོ་ཞེས་གསུངས་ན། བཙུན་
D7a.012.0141a03.01པ་སྨན་ཞག་བདུན་ལས་འདས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨན་མི་རུང་བར་གྱུར་པ་སྟེ། མི་རུང་བ་ནི་མི་རུང་བ་དང་འདྲེས་པ་དང་། གང་དགེ་སློང་རྣམས་ཀྱིས་སྤྱད་དུ་མི་རུང་བའོ། །བཙུན་པ་དགེ་སློང་གིས་སྨན་རྙེད་ནས་ཞག་བདུན་ལོན་ལ་ཞག་
D7a.012.0141a04.01བདུན་ལོན་པར་ཡང་འདུ་ཤེས་ཏེ་སྐྱ་རེངས་ཤར་ན་ཅིར་འགྱུར། སྤང་བར་འགྱུར་རོ། །ཞག་བདུན་ལོན་པ་ལ་ཞག་བདུན་མ་ལོན་པར་འདུ་ཤེས་ན་ཉེས་པ་མེད་དོ། །ཞག་བདུན་མ་ལོན་པ་ལ་ཞག་བདུན་དུ་འདུ་ཤེས་ན་ཉེས་བྱས་སོ། །ཞག་བདུན་མ་ལོན་པ་ལ་ཞག་བདུན་
D7a.012.0141a05.01མ་ལོན་པར་འདུ་ཤེས་ཏེ་སྐྱ་རེངས་ཤར་ན་ཉེས་པ་མེད་དོ། །བཙུན་པ་དགེ་སློང་གིས་སྨན་སྤང་བ་ཞིག་སྟོར་ན་ལྟུང་བ་བཤགས་པར་བགྱིའམ། མི་བཤགས་པར་བགྱི། ཨུ་པཱ་ལི་བཤགས་པར་བྱའོ། །ལྟུང་བ་བཤགས་ནས་སླར་རྙེད་ན་སྤང་བར་བགྱིའམ། ཨུ་པཱ་ལི་
D7a.012.0141a06.01མི་བྱའོ། །བཙུན་པ་དགེ་སློང་གིས་ནམ་འཚོའི་བར་དུ་སྨན་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཞག་བདུན་མ་ལོན་པར་དུས་བྱས་པའོ། །བཙུན་པ་དགེ་སློང་གིས་སྨན་རྙེད་ནས་ཞག་བདུན་ལོན་པ་དང་། ཞག་བདུན་ལས་འདས་པ་ན་མཚན་
D7a.012.0141a07.01