完整藏文原文 · 德格版页 当前仅加载第 12 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་དགེ་སློང་གིས་གཅེར་བུ་པའམ་ཀུན་ཏུ་རྒྱུ་བ་མ་ནིང་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་དུ་རྒྱུ་བ་མོ་ཡང་རུང་མ་ནིང་མོ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །
D7a.012.0188a01.01བཙུན་པ་བསླབ་པ་སྩལ་བས་གཅེར་བུ་པའམ་ཀུན་དུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་གཅེར་བུ་པའམ་ཀུན་དུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་།
D7a.012.0188a02.01དགེ་ཚུལ་ཕ་རྣམས་ཀྱིས་གཅེར་བུ་པའམ་ཀུན་དུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་འགྲོ་བ་མཚན་རྣམས་དང་། །ལྟ་བ་རྒྱལ་པོ་བདུན་པ་དང་། །བཞི་པ་དག་དང་མ་ནིང་ངོ་། །
D7a.012.0188a03.01སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཡུལ་ཤོམ་པ་ལ་ལྟར་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་གཡུལ་ཤོམ་པ་ལ་ལྟར་མཆི་ན་ཅིར་འགྱུར། ཉེས་བྱས་སོ། །དེ་བཞིན་
D7a.012.0188a04.01དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་གཡུལ་ཤོམ་པ་ལྟར་མཆི་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འགྲོ་བ་གཞན་དུ་གནས་པའི་གཡུལ་ཤོམ་པ་ལྟར་མཆི་ན་ཅིར་འགྱུར། ཉེས་བྱས་སོ། །བཙུན་
D7a.012.0188a05.01པ་དགེ་སློང་གིས་གཡུལ་ཤོམ་པ་ལ་ལྟར་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་གཡུལ་ཤོམ་པ་ལ་ལྟར་མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གཡུལ་ཤོམ་པ་ལ་ལྟ་བའི་ཚེ་
D7a.012.0188a06.01འཁོར་ཙམ་དུ་བསྐྱེད་དེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཡུལ་ཤོམ་པ་ལ་ལྟར་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་རྒྱལ་པོའི་ཕོ་ཉས་བཀུག་པའོ། །བཙུན་པ་བསྙེན་པར་མ་རྫོགས་པ་ན་ལུས་
D7a.012.0188a07.01