完整藏文原文 · 德格版页 当前仅加载第 12 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་ལས་བྱིན་ལེན་བགྱིས་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་གཏོང་བའི་འདུ་ཤེས་དང་ལྡན་ན་བྱིན་ལེན་བྱས་པ་ཞེས་བྱའོ། །གལ་ཏེ་གཏོང་བའི་འདུ་ཤེས་དང་མི་ལྡན་ན་བྱིན་ལེན་མ་བྱས་པ་ཞེས་བྱའོ། །
D7a.012.0183b01.01སེམས་འཁྲུགས་པ་དང་། ནད་ཀྱིས་གཟིར་བ་དང་། ར་རོ་བ་དང་། མྱོས་པ་ཡང་དེ་བཞིན་དུ་བརྗོད་པར་བྱའོ། །བཙུན་པ་དགེ་སློང་གིས་བཅའ་བ་དང་བཟའ་བ་བྱིན་ལེན་མ་བགྱིས་པར་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨོད་པའི་སྐྱེ་བོ་མང་
D7a.012.0183b02.01པོ་རྣམས་ཀྱིས་བསམ་པ་ཡོངས་སུ་བཏང་ནས་བོར་བ་རུང་བར་བྱས་པ་ཟོས་པའོ། །བཙུན་པ་དགེ་སློང་གིས་བྱིན་ལེན་བགྱིས་པའི་བཅའ་བ་དང་བཟའ་བའི་རྣམས་འཚལ་ན་ནོངས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། གཞན་དུ་འདུ་ཤེས་ཏེ་བྱིན་ལེན་བྱས་ནས་ཟོས་པའོ། །
D7a.012.0183b03.01བཙུན་པ་དགེ་སློང་གིས་བཅའ་བ་དང་བཟའ་བ་མ་གཏོགས་པར་དེ་ལས་གཞན་པའི་སྨན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་དང་། ཐལ་བ་དང་། ལན་ཚྭ་དང་། སྦྲང་རྩི་དང་། བསྔལ་བ་ལ་སོགས་པ་བྱིན་ལེན་མ་བགྱིས་པར་འཚལ་ན་ཅིར་འགྱུར།
D7a.012.0183b04.01ལྟུང་བའོ། །བཙུན་པ་དགེ་སློང་གིས་ཟས་ངན་པ་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་དུ་མྱོས་པ་ཞིག་གིས་བཅའ་བ་དང་། བཟའ་བ་བླུགས་ན་བྱིན་ལེན་བྱས་པ་ཞེས་བགྱིའམ། ཨུ་པཱ་ལི་མི་རུང་གིས་བྱིན་ལེན་ཕྱིས་
D7a.012.0183b05.01གྱིས་ཤིག །བཙུན་པ་དགེ་སློང་གཉིས་སམ་མང་ཡང་རུང་སྟེ་སྦྱོར་བ་གཅིག་གིས་བྱིན་ལེན་བགྱིད་དུ་སྩལ་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་བྱིན་ལེན་བྱས་པ་ཞེས་བྱའོ། །བཙུན་པ་དགེ་སློང་གིས་འདོད་པར་མ་བསམས་པར་བྱིན་ལེན་བགྱིས་ན་བྱིན་ལེན་བགྱིས་པ་ཞེས་
D7a.012.0183b06.01བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། དགེ་སློང་མི་འདོད་པ་ལ་བྱིན་ལེན་མེད་ཀྱིས་ཕྱིས་ཀྱང་བྱིན་ལེན་བྱོས་ཤིག །བཙུན་པ་དགེ་སློང་གིས་བཟའ་བ་དང་བཅའ་བ་བྱིན་ལེན་མ་བགྱིས་པར་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་
D7a.012.0183b07.01