完整藏文原文 · 德格版页 当前仅加载第 12 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་
D7a.012.0163a01.01ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྲིའམ་ཁྲིའུ་རྐང་པ་གཟེར་བུ་མ་མཆིས་པ་ལ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ཀྱང་
D7a.012.0163a02.01ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་གཙུག་ལག་ཁང་གི་སྟེང་སྤང་ལེབ་ཀྱིས་གཡོགས་པ་དང་། ས་གང་དུ་གྱུར་པ་ཡང་རུང་སྟེ་སྟེང་དུ་འདུག་གམ་ཉལ་བར་བྱེད་ན་ཉེས་པ་མེད་དོ། །བཙུན་པ་བསླབ་པ་སྩལ་བས་སྟེང་གི་ཡང་ཐོག་གི་ཁང་བུའི་ཁྲིའམ་ཁྲིའུ་རྐང་པ་
D7a.012.0163a03.01གཟེར་བུ་མ་མཆིས་པ་ལ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །དགེ་སློང་མས་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལྗིད་ཀྱིས་ཕབ་སྟེ་མཆིས་སམ།
D7a.012.0163a04.01ཉལ་བར་བགྱིད་ན་ཅིར་འགྱུར། ཉེས་བྱས་སོ། །སྲོག་ཆགས་དང་བཅས་པའི་ཆུས་རྩྭ་དང་ས་དང་བ་ལང་གི་ལྕི་བ་ལ་བཏབ་ན་ལྟུང་བའོ་ཞེས་གསུངས་པ་ཡང་བསྟན་པ་བཞིན་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་
D7a.012.0163a05.01གཅིག །སྨྱོན་པ་སེམས་འཁྲུགས་ན་བ་དང་། །འོན་པ་དང་ནི་འགྲོ་བ་རྣམས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་ཆེན་པོ་ཞིག་རྩིག་ན་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་
D7a.012.0163a06.01གྱི་བར་དུ་རྩིགས་ཤིག་དེ་ལས་ལྷག་པར་བརྩིགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་
D7a.012.0163a07.01