完整藏文原文 · 德格版页 当前仅加载第 12 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་ལས་ཀྱིས་བྱིན་གྱིས་རློབས་ཤིག་ཅེས་གསུངས་ན། བཙུན་པ་གནས་གང་ན་དགེ་སློང་གཅིག་པུ་མཆིས་ན་དེས་ཇི་ལྟར་བྱིན་གྱིས་བརླབ་པར་བགྱི། ཨུ་པཱ་ལི་དགེ་སློང་དེས་སེམས་བསྐྱེད་ནས་ཚིག་ཏུ་སྨྲ་བར་བྱ་སྟེ། བགོ་བ་ལས་རྫས་འདི་ནི་བདག་གིས་འཐོབ་པས་ན་
D7a.012.0261a01.01བདག་གིས་ཆོས་གོས་འདི་བསྡུ་བར་བགྱིའོ། །བདག་གིར་བྱའོ། །འདི་ནི་བྱིན་གྱིས་བརླབ་པར་བྱའོ་ཞེས་བྱིན་གྱིས་བརླབ་པར་བྱའོ། །གནས་གང་ན་དགེ་སློང་གཉིས་སམ་གསུམ་ཡང་རུང་གནས་ན་དེ་དག་ཀྱང་གཅིག་ལ་གཅིག་སྨྲ་བར་བྱའོ། །བཙུན་པ་གོས་མ་དྲས་པ་ལ་བྱིན་གྱིས་
D7a.012.0261a02.01བརླབ་ཏུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་དེ་དང་འདྲ་བའི་རྐྱེན་ཅིག་བྱུང་ན་རུང་ངམ། ཨུ་པཱ་ལི་རུང་ངོ་། །གོས་ཀྱི་དངོས་པོ་རྫོགས་སོ།། །།མདོར་ན། རྙིང་པ་གཉིས་དང་བཞག་པ་དང་། །སར་པ་གཏན་པ་ཞིགས་པ་དང་། །ཟིན་པ་དང་ནི་མ་ཟིན་པ། །དུས་སུ་
D7a.012.0261a03.01རྙེད་དང་མ་བགོས་གཉིས། །མི་རུང་མཚམས་ཀྱི་ཕྱི་རོལ་དང་། །མ་བསྐོས་གང་ཟག་དེ་བཞིན་བཅུ། །བཙུན་པ་གོས་རྙིང་པ་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །གོས་རྙིང་པ་གང་ཞེ་ན། གང་
D7a.012.0261a04.01གིས་སྔར་དགེ་འདུན་གྱིས་གཏན་པ་བཏིང་བར་གྱུར་པའོ། །གོས་རྙིང་པ་བཅངས་པ་གཏན་པར་བཏིང་ན་བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །གོས་རྙིང་པ་བཅངས་པ་གང་ཞེ་ན། གང་དགེ་སློང་གིས་སྤྱད་པའོ། །
D7a.012.0261a05.01བཙུན་པ་ཉེ་བར་བཞག་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །ཉེ་བར་བཞག་པའི་གོས་གང་ཞེ་ན། སྤངས་པའོ། །བཙུན་པ་གོས་སར་པ་གཏན་པར་བཏིང་ན་བཏིང་བ་ཞེས་
D7a.012.0261a06.01བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པར་མི་འགྱུར་རོ། །གོས་སར་པ་གང་ཞེ་ན། དགེ་འདུན་གྱིས་ཐོག་མར་གཏན་པར་བཏིང་བའོ། །བཙུན་པ་གཏན་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ།
D7a.012.0261a07.01