完整藏文原文 · 德格版页 当前仅加载第 12 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
གནང་བ་ནི་སྦྱིན་པར་བྱེད་པ་ལ་སྦྱིན་བདག་ཏུ་སེམས་ཉེ་བར་ཞོག་སྟེ་ལོང་ཤིག །དགེ་སློང་ཞིག་གི་ལྷན་ཅིག་སྤྱོད་པ་དེ་རྐུན་པོས་ཁྲིད་པ་དང་། དེ་དེ་ནས་བྲོས་ཏེ་འོངས་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་
D7a.012.0300a01.01སློང་བདག་ཉིད་ཀྱིས་བདག་བརྐུ་བར་རུང་གིས་ཉེས་པ་མེད་དོ། །དགེ་སློང་ཞིག་ལ་ཤོ་གམ་གཅད་པའི་རྫས་ཤིག་ལག་ན་ཡོད་ན་དེ་སྟེ་ཤོ་གམ་གྱི་གནས་ལས་འདས་ན་ནི་ཕས་ཕམ་པར་འགྱུར་རོ། །དེས་འདི་སྙམ་དུ་འདི་ནི་བདག་གི་མའིའོ། །འདི་ནི་བདག་གི་ཕའིའོ། །འདི་ནི་བདག་གི་
D7a.012.0300a02.01བུའིའོ། །འདི་ནི་བདག་གི་སྲིང་མོ་དང་། མཁན་པོ་དང་། སློབ་དཔོན་དང་། མཆོད་རྟེན་དང་། དགེ་འདུན་རྣམས་ཀྱིའོ་སྙམ་དུ་བསམས་ནས་མང་པོ་ལ་བསྔོས་ཏེ་འདས་ན་ཉེས་པ་སྦོམ་པོར་འགྱུར་རོ། །ནམ་མཁའ་ལས་འདས་ན་ནི་ཉེས་པ་མེད་དོ།། །།མདོར་ན། ཁྲིའུ་དང་གླེགས་
D7a.012.0300a03.01བམ་སེང་རས་དང་། །ཆང་དང་ཤ་དང་གོས་དང་ནང་། །ཕྱག་དར་ཁྲོད་དང་དུར་ཁྲོད་དང་། །དུར་ཁྲོད་ཀྱི་ནི་གནས་གཉིས་སོ། །དགེ་སློང་ཞིག་གིས་ཁྲིའུ་ཞིག་བརྙས་ནས་ཁྱེར་ཏེ་འོངས་ནས་དེས་སླར་མི་སྦྱིན་ནོ་སྙམ་བསམས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་
D7a.012.0300a04.01ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་གླེགས་བམ་ཞིག་བརྙས་ནས་ཁྱེར་ཏེ་འོངས་པ་དང་དེ་ཡང་རྒྱས་པར་དེ་བཞིན་ནོ། །དགེ་སློང་ཞིག་གིས་སེང་རས་ཤིག་མ་བྱིན་པར་བླངས་ཏེ་དེས་དེ་བརྐུས་ནས་བཤིག་པ་དང་། དེའི་ནང་
D7a.012.0300a05.01ནས་དར་རིན་ཐང་ཆེན་པོ་ཞིག་བྱུང་སྟེ་དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། སེང་རས་ཀྱི་རིན་ཐང་བརྩི་བར་བྱའོ། །རྐུན་པོ་དག་ཅིག་གིས་ཆང་ཞིག་ཁྱེར་ཏེ་དགོན་པ་ལ་དོང་ནས་ཆང་ཁ་ཅིག་ནི་འཐུངས། ཁ་ཅིག་ནི་སྦས་ཏེ་དོང་བ་དང་། དགེ་སློང་དག་ཀྱང་
D7a.012.0300a06.01གནས་དེར་ཉིན་པར་སྤྱོད་པའི་ཕྱིར་དོང་བ་དང་། དེ་དག་གིས་དེ་མཐོང་ནས་དེ་དག་གིས་ཚྭར་འགྱུར་གྱིས་སོང་ལ་གཙུག་ལག་ཁང་དུ་སྐྱོལ་ཅིག་ཅེས་སྨྲས་ནས་དེ་གཙུག་ལག་ཁང་དུ་བསྐྱལ་ཏོ། །རྐུན་པོ་དག་ཀྱང་སྐོམ་ནས་དེར་སོང་སྟེ་བཙལ་བ་དང་མ་རྙེད་ནས་དེ་དག་གིས་དགེ་སློང་དེ་དག་མཐོང་སྟེ་
D7a.012.0300a07.01