完整藏文原文 · 德格版页 当前仅加载第 12 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །བཙུན་པ་དགེ་སློང་གིས་དགེ་སློང་སྨྱོན་པས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཀྱིས་བསྒོ་བ་
D7a.012.0158b01.01བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་བསྒོ་བ་བཞིན་མ་བགྱིས་ན་ཅིར་འགྱུར།
D7a.012.0158b02.01ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ།། །།མདོར་ན། མི་རུང་བ་དང་གང་ཟག་དང་། །མ་ཆོག་ལྷག་དང་བདུན་པ་དང་། །མཚན་དང་བཞི་པ་དེ་བཞིན་དུ། །ལུས་དང་སྐད་དང་
D7a.012.0158b03.01དབེན་དེ་བཞིན། །ཁྱིམ་པ་དག་ལ་སོགས་པ་རྣམས། །བར་དུ་གཅོད་པ་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་མལ་སྟན་བླ་གབ་མེད་པར་བཏིང་ངམ།
D7a.012.0158b04.01འདིང་ངམ། འདིང་དུ་སྩལ་བར་འཚལ་བཞིན་དུ་མ་བརྟུལ་ཏེ་རྟུལ་དུ་མ་སྩལ་ཏམ། དགེ་སློང་ལ་ཡང་མ་གཏད་པར་གཞན་དུ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་མ་གཏད་པར་གཞན་དུ་མཆིས་ཀྱང་ལྟུང་བར་
D7a.012.0158b05.01མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་མལ་སྟན་དེ་རྒྱུ་རུང་ལ་སྤུན་མི་རུང་བ་དང་། སྤུན་རུང་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པ་དང་། ཐགས་
D7a.012.0158b06.01སུ་མ་བཏགས་པ་དེ་ལྟ་བུའི་མལ་སྟན་ཞིག་བཏིང་ངམ་འདིངས་སུ་བཙུག་པ་ལས་མ་གཏད་པར་སོང་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གང་ཟག་གི་མལ་སྟན་བཏིང་ངམ་གདིང་དུ་བཅུག་པ་ལས་མ་གཏད་པར་མཆིས་ན་ཅིར་འགྱུར། ཉེས་བྱས་སོ། །
D7a.012.0158b07.01