完整藏文原文 · 德格版页 当前仅加载第 12 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
འཕོས་ཏེ་དགེ་སློང་ཕར་གྱུར་ན་དགེ་འདུན་གྱི་ལྷག་མ་ལས་ནི་བྱུང་གི་ཉེས་བྱས་ཀྱི་ལྟུང་བ་ནི་བཤགས་པར་བྱའོ། །བཙུན་པ་དགེ་འདུན་གྱི་ལྷག་མའི་ནོངས་པ་ལས་བྱུང་བཞིན་སླར་ཡང་ནོངས་པ་དེ་བཤགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་
D7a.012.0274b01.01དེས་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་བྱུང་བར་གྱུར་པ་དང་དེའི་མཚན་འཕོས་ཏེ་དགེ་སློང་མར་གྱུར་ནས་དགེ་འདུན་གྱི་ལྷག་མ་བྱུང་བ་དང་། དེ་སླར་ཡང་མཚན་འཕོས་ཏེ་དགེ་སློང་དུ་གྱུར་ན་ཉེས་པ་དེ་བཤགས་དགོས་སོ། །བཙུན་པ་དགེ་སློང་ཞིག་ཆད་
D7a.012.0274b02.01པ་སྤྱོད་པ་ལས་དེ་མཚན་འཕོས་ཏེ་དགེ་སློང་མར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་སློང་མ་ལ་ཆད་པ་བྱའོ། །བཙུན་པ་དགེ་སློང་དེ་ཡིད་མགུ་བར་བགྱི་བ་སྤྱོད་པ་ན་མཚན་འཕོས་ཏེ་དགེ་སློང་མར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་
D7a.012.0274b03.01ལི་མ་ཡིན་ཏེ། ཇི་ཙམ་དུ་སྤྱད་པ་དེ་གྲངས་ལ་དགེ་འདུན་སྡེ་གཉིས་ལ་ཟླ་ཕྱེད་དུ་སྐོངས་ཤིག །བཙུན་པ་དགེ་སློང་མ་ཞིག་ཆད་པ་སྤྱོད་པ་ན་མཚན་འཕོས་ཏེ་དགེ་སློང་ཕར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་སློང་ཕ་ལ་ཆད་པ་བྱོས་ཤིག །
D7a.012.0274b04.01བཙུན་པ་དགེ་སློང་མ་ཞིག་ཡིད་མགུ་བར་བགྱི་བ་སྤྱོད་པ་ན་མཚན་འཕོས་ཏེ་དགེ་སློང་ཕར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། ཞག་དྲུག་ཏུ་གྲོངས་ལ་ཕྱུང་ཤིག །བཙུན་པ་བསླབ་པ་སྩལ་བས་དགེ་སློང་ལ་ཆད་པར་བགྱི་བ་དང་། ཡིད་མགུ་བར་
D7a.012.0274b05.01བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། །བཙུན་པ་བསླབ་པ་སྩལ་བ་ལ་ཆད་པར་བགྱི་བ་དང་། ཡིད་མགུ་བར་བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་།། །།མདོར་ན། ཉེས་དང་དེ་བཞིན་མཚན་མོ་དང་། །སྐད་རྣམས་དང་ཡང་བཞི་པ་དང་། །
D7a.012.0274b06.01ལུས་དང་དབེན་དང་དེ་བཞིན་སྔགས། །བཞི་པ་གཉིས་དང་སྦྱངས་པའོ། །བཙུན་པ་ནོངས་པ་དང་བཅས་པས་དགེ་སློང་ལ་ཆད་པ་བགྱི་བ་དང་ཡིད་མགུ་བར་བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། བཙུན་པ་ནོངས་པ་དང་བཅས་པ་ལས་ཆད་པར་
D7a.012.0274b07.01