完整藏文原文 · 德格版页 当前仅加载第 12 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་ཀྱི་རྙེད་པ་མ་གཏོགས་པར་དེ་ལས་གཞན་པའི་རྙེད་པ་རྣམས་ཀྱི་ཕྱིར་འདི་སྐད་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་འདུན་གྱིས་དགེ་སློང་དེའི་མངོན་དུ་མ་བབ་པར་གོས་སྩལ་བར་གྱུར་
D7a.012.0153b01.01པ་ལས་དེའི་འོག་ཏུ་མཆིས་ནས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་འདི་སྐད་དུ་སྨྲས་ན་ཅིར་འགྱུར། ལྟུང་བའོ། །དགེ་སློང་མས་འདི་སྐད་དུ་
D7a.012.0153b02.01སྨྲས་ན་ཡང་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་
D7a.012.0153b03.01བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་
D7a.012.0153b04.01པ་བཅོམ་ལྡན་འདས་ཀྱིས་བསླབ་པ་སྩལ་བ་ལ་འཕྱ་ན་ལྟུང་བའོ་ཞེས་གསུངས་ན། བཙུན་པ་དགེ་སློང་གིས་ཕྲིན་པས་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་
D7a.012.0153b05.01ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་
D7a.012.0153b06.01པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །དེ་བཞིན་མཚན་དང་བཞི་པ་དང་། །ཁྱིམ་པ་ལ་སོགས་སྤྲུལ་པ་དང་། །བསླབ་པ་དང་
D7a.012.0153b07.01