完整藏文原文 · 德格版页 当前仅加载第 12 函德格 299b 版页；藏文 NFD、目录标记与异常页序保留在来源切片中，重复版页行以稳定序号区分。
ཕམ་པའི་ཉེས་པ་མེད་དེ། ཉེས་བྱས་སུ་འགྱུར་རོ། །དེ་དག་བཞིན་དུ་བྱས་པ་ལས་གཅིག་ནི་ངོ་ཚ་བའི་ཆོས་དང་ལྡན་ནས་དེ་འདི་སྙམ་དུ་དེ་སྟེ་མ་སོང་ན་ནི་དེ་དག་གིས་བདག་འཚོ་བ་དང་ཕྲལ་བར་འགྱུར་གྱིས་བདག་སོང་ལ་བདག་གིས་མ་བྱིན་པར་མི་བླང་ཞིང་བདག་གི་སྐལ་བ་མི་
D7a.012.0299b01.01བཀུར་རོ་སྙམ་དུ་བསམས་ནས་དེས་དེར་མ་བྱིན་པར་ཡང་མ་བླངས་སྐལ་བ་ཡང་མ་ཁྱེར་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་བྱས་སུ་འགྱུར་རོ། །དགེ་སློང་དག་གིས་དགེ་སློང་དག་ལ་ཚེ་དང་ལྡན་
D7a.012.0299b02.01པ་དག་ཚུར་ཤོག་རྐུན་པོ་ལ་འདོང་ངོ་ཞེས་སྨྲས་ནས་དེ་དག་དེར་དོང་བ་དང་། དེ་དག་ལས་ཕྱེད་ནི་ལས་བྱེད་ཕྱེད་ནི་ལམ་སྲུང་ངོ་། །དེ་དག་ལས་ལམ་སྲུང་བ་གང་ཡིན་པ་དེ་དག་འདི་སྙམ་དུ་བདག་ཅག་གིས་ནི་མ་བླངས་ཤིང་མ་བརྐུས་པས་ཉེས་པར་མི་འགྱུར་རོ་སྙམ་དུ་བསམས་པ་དང་། དེ་
D7a.012.0299b03.01ལྟར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་དངོས་པོ་ཚང་ན་ཕས་ཕམ་པར་འགྱུར་རོ། །དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་དགེ་སློང་ཞིག་ལ་ཚེ་དང་ལྡན་པ་ཚུར་ཤོག་རྐུན་པོ་
D7a.012.0299b04.01ལ་འདོང་ངོ་ཞེས་སྨྲས་ནས་དེ་དག་གིས་མ་བྱིན་པར་བླངས་པ་དང་གཞན་དུ་ནི་དངོས་པོ་མ་ཚང་གི་དེ་གཉིས་ཀྱིས་གང་ནས་བླངས་པ་དེ་ཉིད་དུ་དངོས་པོ་ཚང་ནས་དགེ་སློང་དེ་གཉིས་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། གནས་གང་ནས་བསྐྱོད་པ་དེའི་རིན་ཐང་
D7a.012.0299b05.01བརྩི་བར་བྱའོ། །དགེ་སློང་ཞིག་གིས་དགེ་སློང་དག་ཅིག་ལ་ཚེ་དང་ལྡན་པ་དག་ཚུར་ཤོག་རྐུན་པོ་ལ་འདོང་ངོ་། །གང་གིས་ཅི་ཐོབ་པ་དེ་དེ་ཉིད་དབང་ངོ་ཞེས་སྨྲས་ནས་དེ་དག་དེར་དོང་བ་དང་། དེ་དག་ལས་ཁ་ཅིག་གིས་ནི་ཐོབ། ཁ་ཅིག་གིས་མ་ཐོབ། དེ་དག་འགྱོད་པ་སྐྱེས་པ་དང་།
D7a.012.0299b06.01བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དགེ་སློང་དེ་དག་ལ་རྐུན་པོས་ཀྱང་བྱིན་ཐུན་མོང་བ་དང་སྲུང་བ་དག་གིས་ཀྱང་བྱིན་ན་དེ་དག་འགྱོད་པ་སྐྱེས་ནས་མ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་
D7a.012.0299b07.01