完整藏文原文 · 德格版页 当前仅加载第 12 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་འདུན་ནི་འདས་པ་དང་བཅས་པའོ། །གཏན་པའི་གོས་གང་ཞེ་ན། གོས་གང་དབྱར་ཐ་མའི་ཟླ་བ་ལ་རྙེད་པའོ། །བཙུན་པ་གོས་ཞིགས་པ་ཞིག་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །གོས་
D7a.012.0261b01.01ཞིགས་པ་གང་ཞེ་ན། གོས་རུལ་པའོ། །བཙུན་པ་གོས་མ་ལགས་པ་ཞིག་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་གོས་ལགས་པ་གཏན་པར་བཏིང་ན་བཏིང་བ་ཞེས་བགྱིའམ།
D7a.012.0261b02.01ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པར་མི་འགྱུར་རོ། །བཙུན་པ་བཅོམ་ལྡན་འདས་གང་དུས་སུ་རྙེད་པའི་གོས་གཏན་པར་ཐིང་ཤིག་ཅེས་གསུངས་ན། དུས་སུ་རྙེད་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་
D7a.012.0261b03.01བྱའོ། །དུས་ཀྱི་གོས་གང་ཞེ་ན། གོས་གང་ཟླ་བ་གསུམ་འདས་ནས་དེ་ཉིད་ཀྱི་ཉ་བྲི་ཞག་གཅིག་ལ་རྙེད་པའོ། །བཙུན་པ་བཅོམ་ལྡན་འདས་ཀྱིས་མ་གྱོན་པའི་གོས་གཏན་པར་བཏིང་ན་བཏིང་བ་ཞེས་བྱའོ་ཞེས་གསུངས་ན། མ་གྱོན་པའི་གོས་གང་ལགས། སར་པ་བཏགས་མ་ཐག་
D7a.012.0261b04.01པའོ། །བཙུན་པ་བཅོམ་ལྡན་འདས་ཀྱིས་མ་གྱོན་པའི་གོས་རུང་བ་གཏན་པར་ཐིང་ཤིག་ཅེས་གསུངས་ན། བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱའོ། །གོས་མ་གྱོན་པ་རུང་བ་གང་ཞེ་ན། ཁ་དོག་ཅན་ནོ། །བཙུན་པ་མི་རུང་བའི་གོས་ཤིག་གཏན་པར་བཏིང་ན་
D7a.012.0261b05.01བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །མི་རུང་བའི་གོས་གང་ཞེ་ན། རང་གི་རྒྱུད་ཀྱིས་མི་རུང་བའོ། །བཙུན་པ་གོས་སམ་གཏན་པར་བཏིང་བར་མ་བགོས་པས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་
D7a.012.0261b06.01ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་མཚམས་ཀྱི་སླད་རོལ་དུ་བསྐོས་པའི་ཆོས་གོས་གཏན་པར་འདིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་གཏན་པ་འདིང་བ་ཆད་
D7a.012.0261b07.01