完整藏文原文 · 德格版页 当前仅加载第 12 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ཞོག་ཤིག་ཅེས་གསུངས་ན། དགེ་སློང་གིས་ཟླ་བ་གཅིག་ལས་ལྷག་པར་བཞག་པའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་
D7a.012.0116b01.01བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ནི་ཟླ་བ་གཅིག་ལས་ལྷག་པར་བཞག་ཀྱང་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་རིང་ན་ཡང་དགེ་སློང་གིས་
D7a.012.0116b02.01གོས་ཟླ་བ་གཅིག་ཞོག་ཤིག་ཅེས་གསུངས་ན། བཙུན་པ་དགེ་སློང་གིས་ཟླ་བ་དྲུག་ཏུ་གོས་བཞག་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་རྙེད་ནས་ཞག་སུམ་བཅུ་ལོན་པ་དང་དགེ་འདུན་གྱི་གཏན་པ་གདིང་བར་གྱུར་པའོ། །བཙུན་པ་བཅོམ་
D7a.012.0116b03.01ལྡན་འདས་ཀྱིས་ཆོས་གོས་གསུམ་དུ་མ་ལངས་པ་ཟླ་བ་གཅིག་ཏུ་ཞོག་ཤིག་ཅེས་གསུངས་ན། བཙུན་པ་དགེ་སློང་གང་ཆོས་གོས་གསུམ་ལངས་པར་ཡང་གྱུར་ལ་དེས་ཆོས་གོས་གསུམ་དུ་མ་ལངས་པ་ཞིག་རྙེད་ན། དེ་ཡང་རིང་ན་ཟླ་བ་གཅིག་ཏུ་བཞག་པར་བགྱིའམ། ཨུ་
D7a.012.0116b04.01པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། ཆོས་གོས་གསུམ་ཚང་ན་གང་གོས་གཞན་རྙེད་པ་དག་ལངས་ཀྱང་རུང་། མ་ལངས་ཀྱང་རུང་སྟེ། དེ་ཐམས་ཅད་ཀྱང་རིང་ན་ཡང་ཞག་བཅུར་ཞོག་ཤིག །ཆོས་གོས་གསུམ་མ་ལངས་པ་ཞིག་ལ་གལ་ཏེ་ཆོས་གོས་སུ་ལངས་པ་
D7a.012.0116b05.01རྙེད་ན་དེའང་རིང་ན་ཞག་བཅུར་ཞོག་ཤིག །འོན་ཏེ་མ་ལངས་པ་ཞིག་རྙེད་ན་རིང་བའང་ཟླ་བ་གཅིག་ཏུ་གཞག་པར་བྱའོ། །དེ་ལས་འདས་པར་བཞག་ན་སྤང་བའི་ལྟུང་བར་འགྱུར་རོ། །བཙུན་པ་དགེ་སློང་གིས་ཟླ་བ་གཅིག་ལ་ཟླ་བ་གཅིག་ཏུ་འདུ་ཤེས་ཏེ་སྐྱ་རེངས་ཤར་ན་
D7a.012.0116b06.01ཅིར་འགྱུར། སྤང་བའི་ལྟུང་བར་འགྱུར་རོ། །ཟླ་བ་གཅིག་ལ་ཟླ་བ་གཅིག་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །ཟླ་བ་གཅིག་མ་ཡིན་པ་ལ་ཟླ་བ་གཅིག་ཏུ་འདུ་ཤེས་ན་ཉེས་བྱས་སུ་འགྱུར་རོ། །ཟླ་བ་གཅིག་མ་ལོན་པ་ལ་ཟླ་བ་གཅིག་
D7a.012.0116b07.01