完整藏文原文 · 德格版页 当前仅加载第 12 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ལས་བྱེད་པའི་དགེ་སློང་དེས་མཚམས་མནན་མཚམས་བཟུང་སྟེ་མཚམས་སུ་འགྲེང་ངམ་འདུག་ཀྱང་རུང་གཉིས་ནི་མཚམས་ཀྱི་ནང་དུ་བཞག་གཉིས་ནི་མཚམས་ཀྱི་ཕྱི་རོལ་དུ་བཞག་སྟེ་བྱེད་པའོ། །བཙུན་པ་
D7a.012.0274a01.01བཅོམ་ལྡན་འདས་ཀྱིས་ནི་ཆད་པ་བགྱིད་པ་གཉིས་ཐོག་གཅིག་པའི་གནས་སུ་མ་གནས་ཤིག་ཅེས་གསུངས་ན། བཙུན་པ་ཆད་པ་བགྱིད་པ་གཉིས་ཐོག་གཅིག་པའི་གནས་སུ་གནས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྔོན་མུ་སྟེགས་ཅན་དང་
D7a.012.0274a02.01ལྷན་ཅིག་གནས་ནའོ། །བཙུན་པ་ནོངས་པ་གང་ཡང་མ་བྱུང་བ་དེ་ཡང་ཆད་པ་བགྱིད་དུ་མཆིས་སམ། ཨུ་པཱ་ལི་ཡོད་དེ། སྔོན་མུ་སྟེགས་ཅན་ནོ། །བཙུན་པ་དགེ་འདུན་གྱི་ལྷག་མ་མ་བྱུང་བ་ཞིག་ལ་ཆད་པ་བགྱིད་དུ་སྩལ་ཀྱང་ནོངས་པར་མི་འགྱུར་བ་མཆིས་སམ།
D7a.012.0274a03.01ཨུ་པཱ་ལི་ཡོད་དེ། མུ་སྟེགས་ཅན་ལའོ། །བཙུན་པ་དགེ་སློང་ཞིག་གིས་ནོངས་པའི་མིང་དང་རིགས་མ་བསྒྲགས་ན་བཅབས་པ་ཞེས་བགྱིའམ། ཨུ་པཱ་ལི་བཅབས་པ་ཞེས་བྱའོ། །བཙུན་པ་དེ་སྟེ་རིགས་བསྒྲགས་ལ་མིང་མ་བསྒྲགས་ན་བཅབས་པ་ཞེས་བགྱིའམ།
D7a.012.0274a04.01ཨུ་པཱ་ལི་མ་ཡིན་ནོ། །བཙུན་པ་དགེ་འདུན་གྱི་ལྷག་མ་དུ་ལས་འབྱུང་། ཨུ་པཱ་ལི་བཅུ་གསུམ་ལས་སོ། །བཙུན་པ་དགེ་སློང་ཞིག་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ལ་མ་བཤགས་ཤིང་སླར་མ་བགྱིས་བཞིན་བྱང་བར་འགྱུར་བ་མཆིས་སམ། ཨུ་
D7a.012.0274a05.01པཱ་ལི་ཡོད་དེ། འདི་ལྟར་དགེ་སློང་དེ་ཐུན་མོང་མ་ཡིན་པའི་དགེ་འདུན་གྱི་ལྷག་མ་ཞིག་བྱུང་བར་གྱུར་ལ། དེའི་མཚན་འཕོས་ཏེ་དགེ་སློང་མར་གྱུར་ན། དེ་ལ་དགེ་འདུན་གྱི་ལྷག་མ་ལས་ནི་བྱུང་གི་ཉེས་བྱས་ཀྱི་ལྟུང་བ་ནི་བཤགས་པར་བྱའོ། །བཙུན་པ་དགེ་སློང་
D7a.012.0274a06.01མ་ཞིག་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ལ་མ་བཤགས་ཤིང་སླར་མ་བགྱིས་བཞིན་བྱང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་མ་དེ་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་ཞིག་བྱུང་བར་གྱུར་ལ། དེའི་མཚན་
D7a.012.0274a07.01