完整藏文原文 · 德格版页 当前仅加载第 12 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་དད་པ་སྩལ་ལ་བསྙེན་པར་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་དད་པ་སྩལ་ལ་བསྙེན་པར་རྫོགས་ཀར་འཁྱིག་པའི་ཆོས་བགྱིས་ན་ཅིར་འགྱུར།
D7a.012.0196a01.01ཉེས་བྱས་སོ། །བསྙེན་པར་རྫོགས་ཀར་དད་པ་སྩལ་ལ་བསྙེན་པར་རྫོགས་ནས་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ནས་དད་པ་སྩལ་ལ་བསྙེན་པར་རྫོགས་པས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་དད་
D7a.012.0196a02.01པ་སྩལ་ལ་བསྙེན་པར་མ་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ཆོས་དང་ལྡན་པའི་བགྱི་བ་ལ་དད་པ་སྩལ་ནས། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འཁྱིག་པའི་
D7a.012.0196a03.01ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་
D7a.012.0196a04.01སྩལ་ནས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་སྩལ་བ་ལས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། །དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་
D7a.012.0196a05.01ཉེས་བྱས་སུ་འགྱུར་རོ།། །།མདོར་ན། སྨྱོན་པར་གྱུར་དང་སེམས་འཁྲུགས་པ། །ན་བ་འོན་པ་འགྲོ་བ་སྔགས། །ནམ་མཁའ་གཉིས་དང་བཞི་པ་མཚན། །དེ་བཞིན་སྤྲུལ་པ་མ་ནིང་དང་། །གཡོགས་པ་བསྐོར་བ་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་
D7a.012.0196a06.01པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཁྱིམ་གཅིག་གི་ནང་ན་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་དང་ལྷན་ཅིག་
D7a.012.0196a07.01