完整藏文原文 · 德格版页 当前仅加载第 12 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མས་བཟའ་བ་དང་བཅའ་བ་བྱིན་ལེན་མ་བགྱིས་པར་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བཟའ་བ་དང་བཅའ་བ་བྱིན་ལེན་མ་བགྱིས་པ་ལ་བྱིན་ལེན་མ་བགྱིས་པར་འདུ་ཤེས་ཏེ་འཚལ་ན་ཅིར་འགྱུར།
D7a.012.0184a01.01ལྟུང་བའོ། །བྱིན་ལེན་མ་བགྱིས་པ་ལ་བྱིན་ལེན་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བྱིན་ལེན་བགྱིས་པ་ལ་བྱིན་ལེན་མ་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །བྱིན་ལེན་བགྱིས་པ་ལ་བྱིན་ལེན་བགྱིས་པར་འདུ་ཤེས་ཏེ་འཚལ་ན་ཅིར་
D7a.012.0184a02.01འགྱུར། ཉེས་པ་མེད་དོ། །བཙུན་པ་བྱང་གི་སྒྲ་མི་སྙན་གྱི་གླིང་དུ་བྱིན་ལེན་མ་བགྱིས་པར་འཚལ་བར་བགྱིའམ། མི་འཚལ་བར་བགྱི། ཨུ་པཱ་ལི་བཟའ་བར་བྱའོ། །བཙུན་པ་དེ་ལས་གཞན་པའི་གླིང་དུ་བྱིན་ལེན་མ་བགྱིས་པར་འཚལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་
D7a.012.0184a03.01པ་དགེ་སློང་སྤྲུལ་པ་སེམས་ཅན་གྱི་གྲངས་སུ་མི་གཏོགས་པར་རུང་བར་བགྱིད་པས་བྱིན་ལེན་བགྱིས་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ཏེ། ཕྱིས་བྱིན་ལེན་བྱའོ། །བཙུན་པ་དགེ་སློང་རུང་བར་བགྱིད་པ་མི་གདའ་བཞིན་དུ་བྱིན་ལེན་བགྱིད་དུ་སྩལ་ན་བྱིན་ལེན་བགྱིས་པ་ཞེས་
D7a.012.0184a04.01བགྱིའམ། བྱིན་ལེན་བྱས་པ་ཞེས་བྱ་མོད་ཀྱི་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་འགྲོ་བ་གཞན་དུ་གནས་པ་རྣམས་ལས་བྱིན་ལེན་བྱོས་ཤིག་ཅེས་གསུངས་ན། བཙུན་པ་ཇི་ལྟ་བུའི་འགྲོ་བ་གཞན་དུ་གནས་པ་རྣམས་ལས་བྱིན་ལེན་བགྱི། ཨུ་པཱ་ལི་གང་ལ་
D7a.012.0184a05.01འབུལ་བར་སྣང་ཞིང་ཡོངས་སུ་གཏོང་བའི་འདུ་ཤེས་དང་ཡང་ལྡན་ན་བྱིན་ལེན་བྱས་ལ་བཟའ་བར་བྱའོ། །བཙུན་པ་བསླབ་པ་སྩལ་བས་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། །བཙུན་
D7a.012.0184a06.01པ་དགེ་སློབ་མས་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་ཚུལ་མ་དང་། དགེ་ཚུལ་ཕས་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་པ་མེད་དོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་
D7a.012.0184a07.01