完整藏文原文 · 德格版页 当前仅加载第 12 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
མཐུན་པ་ཡིན། ཕྱོགས་དང་ཕ་རོལ་གྱི་ཕྱོགས་ཀྱི་དགེ་སློང་དག་གོ་བར་བྱེད་པ་ཡིན། རྒོལ་བའི་དང་ཕྱིར་རྒོལ་བའི་དགེ་སློང་ལ་ཆོས་དང་མཐུན་པས་རྒོལ་བ་དང་ཕྱིར་རྒོལ་བའི་དགེ་སློང་ལ་འདུལ་བ་མ་ཉམས་པར་བྱེད་པ་ཡིན། མི་གཙང་བའི་གང་ཟག་གི་ཉེས་པ་མ་
D7a.012.0284a01.01བཅབས་པ་ཡིན། བྱུང་བ་ཆུད་མ་གསན་པ་ཡིན། བཅས་པ་ཆུད་མ་གསན་པ་ཡིན། རྗེས་སུ་བཅས་པ་ཆུད་མ་གསན་པ་ཡིན། དགག་པ་ཆུད་མ་གསན་པ་ཡིན། མངོན་པར་རྗེས་སུ་གནང་བ་ཆུད་མ་གསན་པ་ཡིན། ཉེས་པ་ཆུད་མ་གསན་པ་ཡིན། རྒོལ་བའི་དགེ་སློང་གི་
D7a.012.0284a02.01ཡི་དམ་ཤིན་ཏུ་བཟུང་བ་ཡིན། ལན་འདེབས་པའི་ཡི་དམ་ཤིན་ཏུ་བཟུང་བ་ཡིན། མདོ་སྡེའི་ཚིག་ཀྱང་བསྟན་པ་ཡིན། འདུལ་བའང་མཐུན་པ་ཡིན། ཆོས་ཀྱི་མིག་རྗེས་སུ་བཟུང་བ་ཡིན། བསྐོས་ནས་རྣམ་པར་ཞི་བར་བྱེད་པ་ཡིན། ཉེས་པ་སྟོན་པ་ཡིན། ཆད་པའི་
D7a.012.0284a03.01ལས་དམིགས་སུ་བབ་པ་ཡིན། རྣམ་པར་དག་པ་སྟོན་པ་ཡིན། ཆོས་དང་འདུལ་བ་དང་སྟོན་པའི་བསྟན་པས་རྩོད་པ་རྣམ་པར་ཞི་བ་ཡིན་ཏེ། ཨུ་པཱ་ལི་ཆོས་ཉི་ཤུ་རྩ་གཅིག་པོ་འདི་རྣམས་དང་ལྡན་ན་རྩོད་པ་རྣམ་པར་ཞི་བ་ཞེས་བྱའོ། བཙུན་པ་རྒོལ་བའམ་སླར་རྒོལ་བའི་དགེ་སློང་
D7a.012.0284a04.01མཚན་འཕོས་ན་རྩོད་པ་ཞི་བ་ཞེས་བགྱིའམ། ཨུ་པཱ་ལི་ཞི་བ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་རྩོད་པ་བྱུང་བ་བྱུང་མ་ཐག་ཏུ་རྩོད་པ་ཞི་བར་བྱེད་པའི་ཆོས་བདུན་གྱིས་རྣམ་པར་ཞི་བར་བྱའོ་ཞེས་གསུངས་ན། བཙུན་པ་རྩོད་པ་རྣམ་པ་བཞི་ལས་གང་ཡང་རུང་སྟེ། རྩོད་
D7a.012.0284a05.01པ་ཞིག་བྱུང་ན་ཞི་བར་བགྱིད་པའི་ཆོས་བདུན་པོ་ལས་གང་ཡང་རུང་བའི་རྩོད་པ་ཞི་བར་བགྱིད་པའི་ཆོས་ཀྱིས་རྣམ་པར་ཞི་བར་མ་བགྱིས་པར་རྣམ་པར་ཞི་བར་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་མཐུན་པའི་གསོ་སྦྱོང་ངོ་། །བཙུན་པ་རྩོད་པ་བཞི་ལས་གང་ཡང་རུང་སྟེ། རྩོད་པ་
D7a.012.0284a06.01ཞིག་བྱུང་ན་རྒོལ་བ་དང་སླར་རྒོལ་བའི་དགེ་སློང་རྣམས་ལས་གང་གི་ཚིག་གཟུང་བར་བགྱི། རྒན་རིམས་ཀྱི་གཟུང་ངོ་། །བཙུན་པ་དེ་སྟེ་གཉི་གའི་ལོ་གྲངས་མཉམ་ན་གང་གི་ཚིག་གཟུང་བར་བགྱི། གང་མང་དུ་ཐོས་པའི་ཡིན་ནོ། །བཙུན་པ་དེ་སྟེ་གཉི་གའང་གཞུང་ལ་མཚུངས་པར་གྱུར་
D7a.012.0284a07.01