完整藏文原文 · 德格版页 当前仅加载第 12 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིས་པར་གྱུར་པ་ལས་སྐྱེས་པས་དགེ་སློང་ཞིག་ལ་འདི་སྐད་དུ་འཕགས་པ་བུད་མེད་གཅིག་གཟིགས་སམ་ཞེས་སྨྲས་པ་དང་། དགེ་སློང་གིས་འཚལ་བཞིན་དུ་འདི་སྐད་རྩིག་པ་འདིའི་དྲུང་ན་འདུག་གོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །
D7a.012.0107a01.01དེ་སྟེ་དེས་འདི་སྐད་དུ་འཕགས་པ་བཞུད་ལ་བུད་མེད་དེ་ཚུར་ཤོག་ཅེས་གསུངས་ཤིག་ཅེས་སྨྲས་པ་དང་། དགེ་སློང་དེ་སོང་སྟེ་དེ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཇི་ལྟར་དགེ་སློང་གིས་སྨྱན་བྱས་པས་དགེ་འདུན་གྱི་ལྷག་མར་འགྱུར་བ་དེ་བཞིན་དུ་
D7a.012.0107a02.01བསླབ་པ་བྱིན་པ་དང་། དགེ་སློང་མ་ལ་ཡང་དགེ་འདུན་གྱི་ལྷག་མར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ནི་ཉེས་བྱས་སུ་འགྱུར་རོ།། །།མདོར་ན། མ་གནང་བ་དང་ཚད་བྱ་དང་། །བདག་དང་གཞན་དང་
D7a.012.0107a03.01མ་གཡོགས་པ། །ཕྱིར་བབས་བདུན་བརྒྱུད་དེ་བཞིན་ཏེ། །མཚན་ནི་ཐ་མར་གྱུར་པའོ། །བཙུན་པ་དགེ་སློང་གིས་དངོས་པོ་མ་གནང་བར་ཁང་པ་བརྩིགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དངོས་པོ་གསོལ་ནས་ཁང་པ་མ་བརྩིགས་ན་ཅིར་འགྱུར། ཉེས་བྱས་སོ། །
D7a.012.0107a04.01ཁང་པ་བརྩིགས་པར་གནང་ནས་ཚད་ལས་འདས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བདག་གིས་བརྩམས་ནས་མ་ལགས་པར་བོར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་གཞན་གྱིས་མ་ལགས་པ་ལགས་པར་བགྱིས་ན་ཅིར་འགྱུར།
D7a.012.0107a05.01ཉེས་པ་སྦོམ་པོར་འགྱུར་རོ། །སྟེང་མ་གཡོགས་པ་ཞིག་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བརྩམས་ནས་སླར་བབས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་བདག་ཉིད་ཀྱི་འཚོ་བ་དང་བྲལ་བ་དང་། དགེ་ཚུལ་ཕར་ཁས་ལེན་
D7a.012.0107a06.01པ་ཐམས་ཅད་ཉེས་པ་སྦོམ་པོར་འགྱུར་རོ། །དེ་བཞིན་དུ་མ་ནིང་ལ་སོགས་པ་རྒྱས་པར་ནི་ཇི་ལྟར་བསླབ་པ་ཕུལ་བ་བཞིན་ནོ། །བསྙེན་པར་མ་རྫོགས་པར་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་
D7a.012.0107a07.01