完整藏文原文 · 德格版页 当前仅加载第 12 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་གི་དགེ་འདུན་གྱི་གཙུག་ལག་ཁང་གི་སྟེང་དུ་ཁང་བུ་བརྩེགས་པའི་ནང་དུ་ཁྲི་འམ་ཁྲིའུ་ཡང་རུང་རྐང་པ་གཟེར་བུ་མ་མཆིས་པར་འཚལ་བཞིན་དུ་མཆིས་སམ་ཉལ་བར་བགྱིད་ན་ལྟུང་བའོ་ཞེས་གསུང་ན། བཙུན་པ་དགེ་སློང་གིས་གང་ཟག་གི་གཙུག་ལག་ཁང་གི་སྟེང་དུ་ཁང་བུ་བརྩེགས་པའི་
D7a.012.0162b01.01ནང་དུ་ཁྲིའམ་ཁྲིའུ་ཡང་རུང་རྐང་པ་གཟེར་བུ་མ་མཆིས་པ་ལ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་ཀྱི་སྟེང་དུ་ཁང་བུ་བརྩེགས་པའི་ནང་དུ་གཟེར་བུ་མ་མཆིས་པའི་ཁྲིའམ་
D7a.012.0162b02.01ཁྲིའུའི་སྟེང་དུ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྟེང་གི་ཡང་ཐོག་གི་ཁང་བུར་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སྟེང་
D7a.012.0162b03.01གི་ཡང་ཐོག་གི་ཁང་བུ་ལ་ཡང་ཐོག་ཏུ་འདུ་ཤེས་ཏེ་གཟེར་བུ་མ་མཆིས་པའི་ཁྲིའམ་ཁྲིའུའི་སྟེང་དུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །ཡང་ཐོག་ལ་ཡང་ཐོག་མ་ཡིན་པར་འདུ་ཤེས་ན་ཉེས་པ་མེད་དོ། །ཡང་ཐོག་མ་ཡིན་པ་ལ་ཡང་ཐོག་ཡིན་པར་འདུ་
D7a.012.0162b04.01ཤེས་ན་ཉེས་བྱས་སུ་འགྱུར་རོ། །ཡང་ཐོག་མ་ཡིན་པ་ལ་ཡང་ཐོག་མ་ཡིན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་སྟེང་གི་ཡང་ཐོག་གི་ཁང་བུར་ཁྲིའམ་ཁྲིའུ་རྐང་པ་གཟེར་བུ་མ་མཆིས་པའི་སྟེང་དུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ཀྱང་ལྟུང་བར་མི་འགྱུར་བ་མཆིས་
D7a.012.0162b05.01སམ། ཨུ་པཱ་ལི་ཡོད་དེ། མལ་སྟན་མི་རུང་བར་གྱུར་པ་གང་ལ་དགེ་སློང་རྣམས་ཀྱིས་སྤྱད་པར་མི་རུང་བའོ། །བཙུན་པ་བསྙེན་པར་མ་རྫོགས་པར་བཤམས་ལ་བསྙེན་པར་མ་རྫོགས་པར་མཆིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་
D7a.012.0162b06.01མཆིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཤིན་ཏུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་
D7a.012.0162b07.01