完整藏文原文 · 德格版页 当前仅加载第 12 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་འཕོས་ཏེ་སྐྱེས་པ་ལས་བསླངས་ན་ཅིར་འགྱུར། སྤང་བར་འགྱུར་རོ། །དགེ་སློང་མ་ལ་ཡང་དེ་བཞིན་དུ་སྦྱར་བར་བྱའོ། །བཙུན་པ་དགེ་སློང་གིས་གོས་བསྒྲུབ་པའི་སླད་དུ་ཉུང་རུམ་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ཏེ་
D7a.012.0124b01.01གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མ་ཐམས་ཅད་ལ་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱི་སླད་དུ་ལྷག་པར་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་
D7a.012.0124b02.01སློང་གིས་དེ་ལས་གཞན་པའི་ཡོ་བྱད་རྣམས་ཀྱི་སླད་དུ་ལྷག་པར་བསླངས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ལན་དྲུག་ཏུ་བསླངས་པ་ལས་ལྷག་པར་བསླངས་ན་ཅིར་འགྱུར། སྤང་བར་འགྱུར་རོ། །དགེ་སློང་མས་བསླངས་ན་ཅིར་འགྱུར། སྤང་བར་འགྱུར་རོ། །དགེ་སློབ་
D7a.012.0124b03.01མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་དང་འོན་པ་གླེན་པའོ། །བཙུན་པ་དགེ་སློང་གིས་ཕྲིན་གྱིས་སྲིན་བལ་གྱི་
D7a.012.0124b04.01གདིང་བ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། ལྐུགས་པ་དང་། དམུས་ལོང་དང་། གླེན་པ་རྣམས་ཏེ་
D7a.012.0124b05.01ཐམས་ཅད་ཀྱང་ཉེས་བྱས་སོ། །ཇི་ལྟར་དགེ་སློང་གིས་སྲིན་བལ་ལས་གདིང་བ་བྱེད་དུ་བཅུག་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། །དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་
D7a.012.0124b06.01བྱས་སོ། །ཇི་ལྟར་བསླབ་པའི་གནས་ཀྱི་ལེའུ་འདིར་ཇི་ལྟ་བ་བཞིན་དུ་བལ་རང་བཞིན་གྱིས་གནག་པ་ལ་ཡང་རྒྱས་པར་རོ། །དེ་ལ་ཐ་དད་དུ་བྱ་བ་གང་ཞེ་ན། བཞི་སྟེ། རང་བཞིན་གྱིས་གནག་པ་ལ་རང་བཞིན་གྱིས་གནག་པར་འདུ་ཤེས་པ་དག་ནི་བཞིར་བྱའོ། །
D7a.012.0124b07.01