完整藏文原文 · 德格版页 当前仅加载第 12 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་ཀན་དུ་ཤ་དང་པད་པ་དང་། །སྲིན་བུ་སྦལ་པའང་དེ་བཞིན་ཏེ། །སྲེ་མོ་སྦྲུལ་དང་གོ་དྷ་དང་། །སྦལ་པ་དཀར་པོ་བོང་བུ་རྔ་མོ་སྲམ། །བཙུན་པ་སྲོག་ཆགས་ཀན་དུ་ཤའི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་པད་པའི་ཤ་དང་། སྦལ་
D7a.012.0258a01.01པའི་ཤ་དང་། སྲེ་མོའི་ཤ་དང་། སྦྲུལ་གྱི་ཤ་དང་། གོ་དྷའི་ཤ་དང་། སྦལ་པ་དཀར་པོའི་ཤ་དང་། སྲམ་གྱི་ཤ་དང་། བྱ་རོག་གི་ཤ་དང་། གཞན་ཡང་ཆུ་ན་གནས་པ་དང་། སེན་མོ་དང་། མཆེ་བ་སྟོབས་དང་ལྡན་པ་དང་། གཞན་ཡང་མི་རོ་ཟ་བ་དེ་དག་གི་ཤ་
D7a.012.0258a02.01འཚལ་དུ་རུང་ངམ། ཨུ་པཱ་ལི་མི་རུང་ངོ་།། །།མདོར་ན། བལ་གླང་དང་ཡང་ཝ་དང་རྟ། །སྤྲེའུ་དང་མི་ཡང་དེ་བཞིན་ཏེ། །སེང་གེ་སྟག་དང་དོམ་དག་དང་། །སེན་མོ་མཆེ་བ་གང་མཐུ་ལྡན། བཙུན་པ་བལ་གླང་གི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་
D7a.012.0258a03.01པ་རྟ་དང་ཝའི་ཤ་དང་། སྤྲེའུའི་ཤ་དང་། མིའི་ཤ་དང་། སེང་གེའི་ཤ་དང་། སྟག་གི་ཤ་དང་། དོམ་གྱི་ཤ་དང་། གཞན་ཡང་རྐང་བཞི་པ་སེན་མོ་དང་མཆེ་བ་སྟོབས་དང་ལྡན་པ་དེ་དག་གི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་གང་གིས་ཤ་འཚལ་དུ་མི་རུང་བ་
D7a.012.0258a04.01དེའི་ཞག་དང་། འོ་མ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། ཨུ་པཱ་ལི་གང་གི་ཤ་མི་རུང་བ་དེའི་ཐམས་ཅད་ཀྱང་མི་རུང་བའོ། །བཙུན་པ་ཤ་རྗེན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བདག་གི་ཕྱིར་བསད་པའི་ཤ་འཚལ་དུ་རུང་ངམ། ཨུ་པཱ་ལི་
D7a.012.0258a05.01མི་རུང་ངོ་། །སྨན་གྱི་དངོས་པོ་རྫོགས་སོ།། །།འདུལ་བ་གཞུང་དམ་པ། བམ་པོ་{བཅྭ་,བཅོ་}བརྒྱད་པ། མདོར་ན། དབྱར་གཉིས་ཕྱེ་བར་གྱུར་པའི་གནས། །རྙེད་དང་དགེ་འདུན་དག་གི་གཉིས། །སྨྱོན་པ་ཆད་པ་གསུམ་པ་དང་། །སྦྱོར་བ་འགྲོན་པ་མང་པོ་དབྱར། །བཙུན་
D7a.012.0258a06.01པ་ཁྱིམ་བདག་ཅིག་གིས་དབྱར་ཚུལ་དུ་ཞུགས་པ་ལ་ཆོས་གོས་འདི་འབུལ་ལོ་ཞེས་མཆི་སྟེ། དབྱར་གནས་པ་རྣམས་ལ་ཆོས་གོས་ཤིག་ཕུལ་ན་དེ་ལ་དབྱར་གྱི་ཟླ་བ་ཐ་མར་ཡང་མ་གྱུར་ལ། གཏན་པ་ཡང་མ་བཏིང་ན་གང་གིས་འཐོབ། ཨུ་པཱ་ལི་དབྱར་གནས་པ་རྣམས་ཀྱིས་སོ། །
D7a.012.0258a07.01