完整藏文原文 · 德格版页 当前仅加载第 12 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་བྱས་སོ། །དེ་བཞིན་དུ་མ་ནིང་མ་དང་། མཚན་གཉིས་པ་ཞིག་དགའ་བར་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །ཇི་ལྟར་དགའ་བར་བྱེད་པ་དེ་བཞིན་དུ་རྩེ་བ་དང་། མོས་པ་དང་། དགོད་པ་དང་། རྒྱུག་པ་དང་། ལུས་ཀྱི་རྡེག་པ་རྣམས་སུ་ཡང་རྒྱས་པར་
D7a.012.0205b01.01བཤད་དོ། །བཙུན་པ་བསླབ་པ་སྩལ་བས་དགའ་བར་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཆབ་ཀྱིས་དགའ་བར་བགྱིད་དམ་དགའ་བར་བགྱིད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན།
D7a.012.0205b02.01སྨྱོན་པ་སེམས་འཁྲུགས་ན་བ་དང་། །མ་ནིང་མ་དང་འགྲོ་བ་སྤྲུལ། །ནམ་མཁའ་དང་ནི་སྔགས་དང་མཚན། །བཞི་པ་དེ་བཞིན་མ་ནིང་ངོ་། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་
D7a.012.0205b03.01དང་ཁྱིམ་གཅིག་ཏུ་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་མ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་ན་ཅིར་འགྱུར། ཉེས་བྱས་སུ་འགྱུར་རོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འགྲོ་བ་གཞན་དུ་གནས་
D7a.012.0205b04.01པ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཉེས་བྱས་སོ། །བཙུན་པ་དགེ་སློང་གིས་བུད་མེད་སྤྲུལ་པ་དང་ལྷན་ཅིག་ཁྱིམ་གཅིག་ཏུ་ཉལ་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ཁྱིམ་གཅིག་གི་ནང་དུ་ནམ་མཁའ་ལ་ཉལ་
D7a.012.0205b05.01བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བུད་མེད་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་
D7a.012.0205b06.01ཁྱིམ་གཅིག་ཏུ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་སྐྱེས་པ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་
D7a.012.0205b07.01