完整藏文原文 · 德格版页 当前仅加载第 12 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་ནས་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་བརྩམས་ནས་བསྙེན་པར་རྫོགས་ཀར་ལགས་ན་ཅིར་འགྱུར།
D7a.012.0107b01.01ཉེས་བྱས་སོ། །བསྙེན་པར་རྫོགས་པ་ན་བརྩམས་ནས་བསྙེན་པར་རྫོགས་པ་ན་ལགས་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་པ་ན་བརྩམས་ནས་བསྙེན་པར་མ་རྫོགས་པ་ན་ལགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་
D7a.012.0107b02.01སློང་གིས་ཁང་པ་བརྩིག་པར་བརྩམས་པ་དང་། དེའི་མཚན་འཕོས་ཏེ་དགེ་སློང་མར་གྱུར་ནས་ལགས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་མས་ཁང་པ་བརྩིག་པར་བརྩམས་པ་དང་། མཚན་འཕོས་ནས་དགེ་སློང་ཕར་གྱུར་ཏེ་ལགས་
D7a.012.0107b03.01པར་བགྱིས་ན་ཅིར་འགྱུར། ཉེས་བྱས་སོ། །བསླབ་པ་སྩལ་བས་བགྱིས་ན་ཅིར་འགྱུར། དགེ་འདུན་གྱི་ལྷག་མའོ། །དགེ་སློང་མས་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་ནི་ཉེས་བྱས་
D7a.012.0107b04.01སོ། །གཙུག་ལག་ཁང་ཆེན་པོ་ཡང་དེ་བཞིན་དུ་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །
D7a.012.0107b05.01སྙོམས་ཞུགས་འགྲོ་བ་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་འཁོན་ཏེ་འཁོན་མ་བཏང་བས་དགེ་སློང་གཙང་མ་ཉེས་པ་མེད་པ་ལ་བྱ་བ་མེད་པར་ཕས་ཕམ་པའི་ཆོས་
D7a.012.0107b06.01ཀྱིས་སྐུར་ན་དགེ་འདུན་གྱི་ལྷག་མའོ་ཞེས་གསུངས་ན། དགེ་སློང་གིས་བྱ་བ་མ་མཆིས་པར་ཕས་ཕམ་པའི་ཆོས་ཀྱིས་སྐུར་ཀྱང་དགེ་འདུན་གྱི་ལྷག་མར་མི་འགྱུར་བ་མཆིས་སམ། ཡོད་དེ། དགེ་སློང་གིས་ཕྲིན་གྱིས་སྐུར་ན་ཉེས་པ་སྦོམ་པོར་འགྱུར་རོ། །དེ་བཞིན་དུ་སྤྲིང་ཡིག་
D7a.012.0107b07.01