完整藏文原文 · 德格版页 当前仅加载第 12 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་བཅས་པའོ། །བཙུན་པ་སྔར་ནོངས་པ་བྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པའོ། །བཙུན་པ་ཇི་ཙམ་གྱིས་ན་སྔར་ནོངས་
D7a.012.0237b01.01པ་བྱུང་བ་ཞེས་བགྱི། །ཨུ་པཱ་ལི་གང་གིས་སྔར་རབ་ཏུ་བྱུང་ལ་བསླབ་པ་མ་ཕུལ་བར་ཕས་ཕམ་པ་བཞི་ལས་གང་ཡང་རུང་བའི་ཕས་ཕམ་པ་བྱུང་བར་གྱུར་པ་དང་། དེས་བསླབ་པ་མ་ཕུལ་ནས་ཁྱིམ་པའི་དངོས་པོར་སོང་བ་ལས་དེས་སླར་ཡང་ལེགས་པར་གསུངས་པའི་ཆོས་འདུལ་
D7a.012.0237b02.01བ་ལ་རབ་ཏུ་བྱུང་བསྙེན་པར་རྫོགས་ནས་དགེ་སློང་གི་དངོས་པོར་འདོད་པ་འདི་ནི་སྔོན་ཉེས་པ་བྱུང་བའི་གང་ཟག་ཅེས་བྱའོ། །བཙུན་པ་བཅོམ་ལྡན་འདས་ཀྱིས་སྔོན་ནོངས་པ་བྱུང་བའི་གང་ཟག་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། བཙུན་པ་སྔོན་ནོངས་པ་བྱུང་
D7a.012.0237b03.01བའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དེས་དགེ་སློང་མ་ཐུན་མོང་མ་ཡིན་པའི་ཕས་ཕམ་པར་གྱུར་པ་དང་། དེས་བསླབ་པ་ཕུལ་ཏེ་ཁྱིམ་པའི་དངོས་པོར་སོང་ན་དེར་མཚན་འཕོས་ཏེ་སྐྱེས་པར་
D7a.012.0237b04.01གྱུར་ནས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ་དགེ་སློང་གི་དངོས་པོར་འདོད་པ་དང་། དགེ་སློང་གིས་བསྙེན་པར་རྫོགས་པར་བྱས་ན་འདི་ནི་བསྙེན་པར་རྫོགས་པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་དགེ་སློང་མ་ལན་གཅིག་
D7a.012.0237b05.01སླར་བབས་པ་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། དེ་སྟེ་བཙུན་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་
D7a.012.0237b06.01བྱེད་པ་ཡང་འདས་པ་དང་བཅས་པའོ། །བཙུན་པ་སྔར་འཁྲུགས་པའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཁ་ཅིག་ནི་བསྙེན་པར་རྫོགས་པ་ཞེས་བྱ། ཁ་ཅིག་ནི་བསྙེན་པར་མ་རྫོགས་པ་ཞེས་
D7a.012.0237b07.01