完整藏文原文 · 德格版页 当前仅加载第 12 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པའི་ཕྱིར་གནས་ཁང་དུ་ཞུགས་པ་དང་། སྒོ་ཕྱེ་སྟེ་འཕྲེས་ནས་ཚ་བའི་དུས་ལ་བབ་པས་གཉིད་ལོག་ཅིང་ཉལ་བ་དང་། གཡོན་ཅན་སྲང་ཕྲན་ནས་རྒྱུ་ཞིང་འདོང་བ་རྣམས་ཀྱིས་མཐོང་སྟེ་དེ་དག་གིས་ཉལ་བ་ལ་བྱས་སོ། །དེ་དག་གིས་བྱས་ནས་དོང་བ་དང་དེ་ཡང་སད་ནས་
D7a.012.0294b01.01དགེ་སློང་མ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་དགེ་སློང་མས་སྒོ་མ་བཅད་པར་མ་འཕྲེས་ཤིག་འཕྲེས་ན་ཉེས་བྱས་སུ་འགྱུར་རོ། །དེ་བཞིན་དུ་སྙོམས་པར་ཞུགས་པ་ལ་བྱས་ན་ཡང་ཉེས་པ་མེད་དེ་ཕྱིན་ཆད་དགེ་སློང་མ་
D7a.012.0294b02.01སྒོ་མ་བཅད་པར་སྙོམས་པར་མ་འཇུག་ཤིག །སྙོམས་པར་ཞུགས་ན་ཉེས་བྱས་སུ་འགྱུར་རོ། །དགེ་སློང་ཞིག་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དེ་ཁྱིམ་བདག་གི་ཁྱིམ་དུ་ཞུགས་པ་ཁྱིམ་བདག་དེའི་ཕག་གི་ཕྲུག་གུ་ཞིག་ཕུར་པ་ལ་བཏགས་པས་དེ་
D7a.012.0294b03.01ཕུར་པ་དེ་ལ་འཁོར་ཞིང་འདུག་པ་དང་། དགེ་སློང་དེས་སྙིང་རྗེ་སྐྱེས་ནས་དེ་ཕུར་པ་ལས་བཀྲོལ་ཏེ་བཏང་བ་དང་། ཁྱིམ་བདག་དེས་དགེ་སློང་དེ་མཐོང་ནས་དེས་བརྒྱུགས་ཏེ། དགེ་སློང་དེའི་གོང་བ་ནས་བཟུང་སྟེ། ཁྱོད་ཀྱིས་ཁོ་བོའི་ཕག་གི་ཕྲུག་གུ་བཏང་བས་ན་ཁྱོད་ནི་རྐུ་
D7a.012.0294b04.01བའོ། །ཁྱོད་ནི་གླེན་པའོ། །ཁྱོད་ནི་དགེ་སྦྱོང་སྡིག་ཅན་ནོ་ཞེས་སྨྲས་པ་དང་། དེ་འདི་སྙམ་དུ་བདག་གིས་ཕག་གི་ཕྲུག་གུ་བཏང་བས་ན་བདག་ནི་རྐུ་བ། བདག་ནི་གླེན་པ། བདག་ནི་དགེ་སྦྱོང་སྡིག་ཅན་དུ་གྱུར་གྱིས་བདག་སོང་ལ་མི་ཚངས་པར་སྤྱད་དོ་སྙམ་དུ་བསམས་ནས་དེ་
D7a.012.0294b05.01སོང་སྟེ་མི་ཚངས་པར་སྤྱད་པ་བྱས་པ་དང་། དེས་འདི་སྙམ་དུ་དགེ་སློང་དག་ལ་དྲིས་ལ་དེ་སྟེ་བདག་རབ་ཏུ་ཕྱུང་ནས་བསྙེན་པར་རྫོགས་པ་འཆགས་ན་ནི་བདག་རབ་ཏུ་འབྱུང་ངོ་། །མི་འཆགས་ན་ནི་འདི་ཉིད་དུ་གནས་སོ་སྙམ་དུ་བསམས་ནས། དེས་དེ་ལྟར་གྱུར་པ་དགེ་སློང་རྣམས་
D7a.012.0294b06.01ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔ་མ་ལ་ཉེས་པ་མེད་དེ། ཕྱི་མ་ནི་ཉེས་པར་གྱུར་ཏོ། །དེ་ལྟར་བྱ་གག་གི་ཕྲུག་གུ་ཡང་དེ་བཞིན་ནོ། །ཁྱིམ་བདག་ཅིག་གིས་ཤ་སྣག་གུ་ཞིག་ཁྱེར་ཏེ་
D7a.012.0294b07.01