完整藏文原文 · 德格版页 当前仅加载第 12 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཟླ་བ་ཕྱེད་ཅིང་ཁྲུས་བགྱིས་ན་དུས་ལ་བབ་པ་མ་གཏོགས་པར་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྟག་ཏུ་ཁྲུས་བགྱིས་ཀྱང་ནོངས་པར་མི་འགྱུར་བ་མཆིས་
D7a.012.0201b01.01སམ། ཨུ་པཱ་ལི་ཡོད་དེ། དུས་ལ་བབ་པ་བདུན་ལས་གང་ཡང་རུང་སྟེ། དུས་ལ་བབ་པ་ཞིག་ཏུ་ཁྲུས་བྱས་པའོ། །བཙུན་པ་དགེ་སློང་གིས་ཟླ་བ་ཕྱེད་མ་ལོན་པ་ལ་ཟླ་བ་ཕྱེད་མ་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ལྟུང་བའོ། །ཟླ་བ་ཕྱེད་མ་ལོན་པ་ལ་ཟླ་བ་
D7a.012.0201b02.01ཕྱེད་ལོན་པར་འདུ་ཤེས་ཏེ་ཁྲུས་བྱས་ན་ཉེས་པ་མེད་དོ། །ཟླ་བ་ཕྱེད་ལོན་པ་ལ་ཟླ་བ་ཕྱེད་མ་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཟླ་བ་ཕྱེད་ལོན་པ་ལ་ཟླ་བ་ཕྱེད་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་ཆབ་
D7a.012.0201b03.01ལ་ཆབ་ཏུ་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ལྟུང་བའོ། །ཆབ་ལ་ཆབ་མ་ལགས་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཆབ་མ་ལགས་པ་ལ་ཆབ་ཏུ་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཆབ་མ་ལགས་པ་ལ་ཆབ་མ་
D7a.012.0201b04.01ལགས་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དུས་སུ་བྱིན་གྱིས་བརླབས་ཏེ་ཁྲུས་བགྱིས་ཀྱང་དེ་ལ་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྲུས་བྱེད་པ་བཏང་ནས་བྱེའུ་ཟུལ་བྱེད་པའོ། །བཙུན་
D7a.012.0201b05.01པ་དགེ་སློང་གིས་ཟླ་བ་ཕྱེད་ཚུན་ཅད་དུ་དུས་སུ་བྱིན་གྱིས་མ་བརླབས་པར་ཁྲུས་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་སུ་བྱིན་གྱིས་མ་བརླབས་པར་ཁྲུས་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར།
D7a.012.0201b06.01ལྟུང་བའོ། །བཙུན་པ་དགེ་སློང་གིས་ཆབ་མ་གཏོགས་པ་དེ་ལས་གཞན་པའི་དངོས་པོ་ཞིག་གིས་ཁྲུས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རྟག་ཏུ་ཁྲུས་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཆུ་རྒལ་བར་བསམ་
D7a.012.0201b07.01