完整藏文原文 · 德格版页 当前仅加载第 12 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ཉེས་བྱས་སོ། །དགེ་སློང་གཉིས་ཀྱིས་ལྷུང་བཟེད་གཅིག་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷུང་བཟེད་བསླངས་ནས་ལྷུང་བཟེད་ཐོབ་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ལགས་པར་འདུ་
D7a.012.0133a01.01ཤེས་ཏེ་བསླངས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ཏེ་བསླངས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རང་གིས་ཡོ་སྤྱད་དམ་རིན་གྱིས་ལྷུང་བཟེད་
D7a.012.0133a02.01གཉིས་པ་བཙལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་བཙལ་བས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་
D7a.012.0133a03.01བཟེད་རྙེད་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་
D7a.012.0133a04.01བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་ཐ་ག་པ་ལ་གོས་འཐག་ཏུ་བཅུག་ན་
D7a.012.0133a05.01སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། གཞན་གྱི་ཕྱིར་འཐག་ཏུ་བཅུག་ན་ཐམས་ཅད་ཉེས་བྱས་སུ་
D7a.012.0133a06.01འགྱུར་རོ། །བཙུན་པ་དགེ་སློང་གིས་ཐ་ག་པ་སྨྱོན་པ་ཞིག་ལ་གོས་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མི་མ་ཡིན་པའི་འགྲོ་བའི་གནས་པ་ཐ་ག་པ་
D7a.012.0133a07.01