完整藏文原文 · 德格版页 当前仅加载第 12 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མ་སྲང་ན་བསོད་སྙོམས་སྤྱོད་པ་ལས་བཅའ་བ་དང་བཟའ་བ་བླངས་ཏེ་འཚལ་ན་སོ་སོར་བཤགས་པ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་སྨྱོན་མ་སྲང་ན་
D7a.012.0230b01.01མཆིས་པ་ལས་བདག་གི་སུག་པས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལས་
D7a.012.0230b02.01བསོད་སྙོམས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་སྲང་ན་མཆིས་པ་ལས་བདག་གི་སུག་པས་བསོད་སྙོམས་བླངས་ཏེ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ།
D7a.012.0230b03.01མི་རུང་བའི་ཟས་ཟོས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་བསོད་སྙོམས་སྤྱོད་ཅིང་སྲང་ན་མཆིས་པ་ལ་བདག་གི་སུག་པས་བཅའ་བ་དང་བཟའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །
D7a.012.0230b04.01བཙུན་པ་དགེ་སློང་མས་གཉེན་མ་ལགས་པའི་དགེ་སློང་བསོད་སྙོམས་སྤྱོད་ཅིང་སྲང་ན་མཆིས་པ་དེ་ལས་བདག་གི་སུག་པས་བསོད་སྙོམས་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་
D7a.012.0230b05.01པ་ལ་བསྙེན་པར་རྫོགས་པར་འདུ་ཤེས་ཏེ་དེ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་
D7a.012.0230b06.01ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །དེ་བཞིན་དུ་མི་ལ་མིར་འདུ་ཤེས་པ་ལ་ཡང་བཞིར་བྱའོ། །བཙུན་པ་བསྙེན་པར་མ་རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །
D7a.012.0230b07.01