完整藏文原文 · 德格版页 当前仅加载第 12 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་དགེ་སློང་དེས་ཞི་བར་བྱ་བར་བསམས་ནས་ཉན་པའོ། །བཙུན་པ་བསླབ་པ་སྩལ་བས་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཅང་མི་མཆི་
D7a.012.0219b01.01བར་ཉན་ཅིང་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་
D7a.012.0219b02.01ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་
D7a.012.0219b03.01ཀྱིས་ཡང་དགེ་སློང་གང་དགེ་འདུན་རྣམས་ཆོས་ངེས་པའི་གཏམ་སྨྲ་བ་ན་དགེ་སློང་མཆིས་བཞིན་འཚལ་བར་མ་བགྱིས་པར་ཅང་མི་སྨྲ་བར་སྟན་ལས་ལངས་ཏེ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་ཆོས་ངེས་པའི་
D7a.012.0219b04.01གཏམ་སྨྲ་བ་ན་ཕྲིན་གྱིས་དད་པ་ཕུལ་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་དད་པས་བྱིན་ནས་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་
D7a.012.0219b05.01སློང་གིས་དགེ་འདུན་ཆོས་ངེས་པའི་གཏམ་སྨྲ་བའི་ཚེ་དགེ་སློང་སྨྱོན་པ་ལ་དད་པ་ཕུལ་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། གཉིད་
D7a.012.0219b06.01ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་དད་པ་བྱིན་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མ་ནིང་དག་ལ་སོགས་པ་དང་། །མཚན་དང་དེ་བཞིན་བཞི་པ་དང་། །དགེ་སྦྱོང་
D7a.012.0219b07.01