完整藏文原文 · 德格版页 当前仅加载第 12 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་དུ་བདག་ནི་སྟོན་པའོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ནི་རྣམ་པར་གཟིགས་དང་། སྤྱི་ཐོར་དང་། བསོད་སྐྱབས་དང་། ལོག་པར་དད་སེལ་དང་། གསེར་ཐུབ་དང་། འོད་སྲུང་
D7a.012.0099a01.01རྣམས་ཀྱི་ཉན་ཐོས་པའོ་ཞེས་མཆི་ན་ཅིར་འགྱུར། དེ་སྟེ་སྔོན་གྱི་གནས་སུ་ལུང་སྟོན་ན་ནི་མཐར་འགྱུར་རོ། །འོན་ཏེ་དེས་འདི་སྐད་དུ་གང་གི་ཚེ་ཤཱཀྱ་ཐུབ་པ་ལ་སྐྱབས་སུ་སོང་བ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་སྐྱབས་སུ་སོང་ངོ་ཞེས་སྨྲས་ན་ཉེས་
D7a.012.0099a02.01པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ནི་མི་སློབ་པའོ་ཞེས་མཆི་ན་ཅིར་འགྱུར། དེ་སྟེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། །འོན་ཏེ་དེ་འདི་སྐད་དུ་བདག་བཟོ་གང་ཡང་མི་སློབ་བོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་
D7a.012.0099a03.01དགེ་སློང་གིས་འདི་སྐད་དུ་བདག་ནི་སློབ་པའོ་ཞེས་མཆི་ན་ཅིར་འགྱུར། དེ་སྟེ་སློབ་པའི་སྤྱོད་པར་ལུང་སྟོན་ན་མཐར་འགྱུར་རོ། །འོན་ཏེ་དེ་འདི་སྐད་དུ་ཚངས་པར་སྤྱོད་པ་ལ་སློབ་བོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ལ་ཉོན་
D7a.012.0099a04.01མོངས་པ་མེད་དོ་ཞེས་མཆི་ན་ཅིར་འགྱུར། དེ་སྟེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། འོན་ཏེ་འདི་སྐད་དུ་བདག་ལ་ལྷུང་བཟེད་དམ་ཆོས་གོས་སམ་དགེ་སློང་གི་འཚོ་བའི་ཡོ་བྱད་གང་ཡང་རུང་བ་རྣམས་མེད་དོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་
D7a.012.0099a05.01པ་དགེ་སློང་གིས་འདི་སྐད་དུ་བདག་ནི་ཉམས་པའོ་ཞེས་མཆི་ན་ཅིར་འགྱུར། དེ་སྟེ་འདི་སྐད་དུ་དགེ་སྦྱོང་གི་འབྲས་བུ་ལས་ཉམས་པའོ་ཞེས་སྨྲས་ན་མཐར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ནི་གྲོལ་བའོ་ཞེས་མཆི་ན་ཅིར་འགྱུར། དེ་སྟེ་འདི་སྐད་
D7a.012.0099a06.01དུ་བདག་ནི་སྦྱོར་བ་དང་། བཅིངས་པ་དང་། བག་ལ་ཉལ་བ་དང་། ཉེ་བའི་ཉོན་མོངས་པ་དང་། ཀུན་ནས་དཀྲིས་ཏེ་འདས་པ་ལས་གྲོལ་ལོ་ཞེས་སྨྲས་ན་མཐར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ལ་འཇིགས་པ་མེད་དོ་ཞེས་མཆི་ན་ཅིར་འགྱུར།
D7a.012.0099a07.01