完整藏文原文 · 德格版页 当前仅加载第 12 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་མི་ཞིག་འཚོ་བ་དང་ཕྲལ་ལོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་{བརྫུན་,རྫུན་}དང་། མི་ཚངས་པར་སྤྱོད་པ་དང་། རྐུ་བ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་ཞིག་བདག་ཉིད་འདི་སྐད་དུ་བདག་གིས་མི་ལས་
D7a.012.0109b01.01བླ་མར་གྱུར་པའི་ཆོས་སྨྲས་སོ་ཞེས་མཆིས་པའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་མི་ཚངས་པར་སྤྱོད་པ་དང་། རྐུ་བ་དང་། གསོད་པ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་རྩ་བ་
D7a.012.0109b02.01མེད་པར་ཕས་ཕམ་པའི་ཆོས་ཀྱིས་སྐུར་ན་དགེ་འདུན་གྱི་ལྷག་མར་འགྱུར་རོ་ཞེས་གསུངས་ན་བཙུན་པ་དགེ་སློང་གིས་དགེ་སློང་ལ་རྩ་བ་མ་མཆིས་པར་མཚམས་མེད་པས་སྐུར་ན་ཅིར་འགྱུར། དེ་སྟེ་ཕ་དང་མ་དང་། དགྲ་བཅོམ་པ་བསད་པ་རྣམས་ཀྱིས་སྐུར་ན་དགེ་འདུན་
D7a.012.0109b03.01གྱི་ལྷག་མར་འགྱུར་རོ། །གང་ལ་རྩ་བ་མེད་པར་དགེ་འདུན་གྱི་དབྱེན་དང་། ངན་སེམས་ཀྱིས་ཁྲག་ཕྱུང་བས་སྐུར་ན་ཉེས་བྱས་སུ་འགྱུར་རོ། །དེ་ཅིའི་ཕྱིར་ཞེ་ན། ཨུ་པཱ་ལི་ཕ་དང་། མ་དང་། དགྲ་བཅོམ་པ་བསད་པས་སྐུར་པ་གང་ཡིན་པ་དེ་ནི་ཕས་ཕམ་པས་སྐུར་
D7a.012.0109b04.01པའོ། །དགེ་འདུན་གྱི་དབྱེན་དང་། ངན་སེམས་ཀྱིས་ཁྲག་ཕྱུང་བས་སྐུར་པ་གང་ཡིན་པ་དེ་ནི་ཉེས་པ་སྦོམ་པོས་སྐུར་པ་སྟེ། ཉེས་པ་སྦོམ་པོས་ནི་དགེ་སློང་མ་ཡིན་པར་མི་འགྱུར་གྱི་དེ་ནི་བཤགས་པར་འོས་སོ། །དགེ་སློང་གིས་དགེ་སློང་ལ་རྩ་བ་མེད་པར་ཕས་ཕམ་པའི་ཆོས་ཀྱིས་
D7a.012.0109b05.01སྐུར་ན་དགེ་འདུན་གྱི་ལྷག་མར་འགྱུར་རོ། །རྩ་བ་མེད་པར་དགེ་འདུན་གྱི་ལྷག་མས་སྐུར་ན་ལྟུང་བར་འགྱུར་རོ། །རྩ་བ་མེད་པར་ལྟུང་བ་དང་། སོ་སོར་མཐོལ་བ་རྣམས་དང་། ཉེས་བྱས་རྣམས་ཀྱིས་སྐུར་ན་ཉེས་བྱས་སུ་འགྱུར་རོ། །དེ་བཞིན་དུ་རྩ་བ་མེད་པར་ཉེས་པ་སྦོམ་པོས་སྐུར་ན་ཡང་ཉེས་བྱས་
D7a.012.0109b06.01སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་སྐུར་ན་དགེ་འདུན་གྱི་ལྷག་མར་འགྱུར་རོ་ཞེས་གསུངས་ན་དགེ་སློང་གིས་དགེ་སློབ་མ་དང་། དགེ་ཚུལ་ཕ་
D7a.012.0109b07.01