完整藏文原文 · 德格版页 当前仅加载第 12 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་ནིང་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་།
D7a.012.0144b01.01དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། ཟ་མ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་
D7a.012.0144b02.01རྣམས་ལ་མིའི་སྐྱོན་གྱི་ཚིག་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །བཙུན་
D7a.012.0144b03.01པ་བསླབ་པ་སྩལ་བས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་
D7a.012.0144b04.01རོ། །བཙུན་པ་དགེ་སློང་མས་དགེ་སློང་མ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ལ་མིའི་སྐྱོན་གྱི་ཚིག་སྨྲས་ན་ཐམས་ཅད་ཉེས་བྱས་སུ་འགྱུར་རོ། །
D7a.012.0144b05.01དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལའང་ཉེས་བྱས་སུ་རྒྱས་པར་བརྗོད་པར་བྱའོ། །ཇི་ལྟར་མིའི་སྐྱོན་སྨྲ་བ་དེ་བཞིན་དུ་ཕྲ་མ་སྨྲ་བ་ལ་ཡང་གཞུང་རྒྱས་པར་བྱའོ།། །།མདོར་ན། སྐད་དང་ལུས་དང་དབེན་པ་དང་། །མཚན་དང་བཞི་
D7a.012.0144b06.01དང་བདུན་པ་དང་། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་འདུས་པས་ཆོས་བཞིན་དུ་རྩོད་པ་ཞི་
D7a.012.0144b07.01