完整藏文原文 · 德格版页 当前仅加载第 12 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིར་འགྱུར། སྤང་བར་འགྱུར་རོ། །རྒྱང་གྲགས་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །རྒྱང་གྲགས་མ་ལགས་པ་ལ་རྒྱང་གྲགས་སུ་འདུ་ཤེས་ན་ཅིར་འགྱུར། ཉེས་བྱས་སོ། །རྒྱང་གྲགས་མ་ལགས་པ་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར། ཉེས་
D7a.012.0127b01.01བྱས་སོ། །བཙུན་པ་བསྙེན་པར་མ་རྫོགས་པ་ཞིག་གིས་ལུག་གི་བལ་ཞིག་འཚལ་ཏེ་མཆིས་ནས་བསྙེན་པར་མ་རྫོགས་པར་མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཚལ་ནས་བསྙེན་པར་རྫོགས་ཀར་མཚམས་ལས་འདས་ན་ཅིར་འགྱུར། ཉེས་བྱས་སོ། །
D7a.012.0127b02.01བསྙེན་པར་མ་རྫོགས་པར་འཚལ་ནས་བསྙེན་པར་རྫོགས་ཏེ་མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཚལ་ཏེ་བསྙེན་པར་རྫོགས་ཀར་མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཚལ་ཏེ་བསྙེན་པར་རྫོགས་ནས་
D7a.012.0127b03.01མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཏེ་འཚལ་ནས་བསྙེན་པར་རྫོགས་ནས་མཚམས་ལས་འདས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ཏེ་འཚལ་ན་བསྙེན་པར་མ་རྫོགས་པར་མཚམས་ལས་འདས་ན་ཅིར་འགྱུར། ཉེས་བྱས་སོ།། །།མདོར་ན།
D7a.012.0127b04.01ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པའོ། །བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་ཕྲིན་པ་ལ་བསྐུར་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་
D7a.012.0127b05.01དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། དམུས་ལོང་རྣམས་ལ་བསྐུར་ན་ཐམས་ཅད་ཉེས་བྱས་སུ་འགྱུར་
D7a.012.0127b06.01རོ། །ཇི་ལྟར་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། །དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སུ་འགྱུར་རོ།། །།
D7a.012.0127b07.01