完整藏文原文 · 德格版页 当前仅加载第 12 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འོན་པ་དང་། གཉིད་ལོག་པ་དང་། མྱོས་པ་དང་། ར་རོ་བ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱིས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་འདུན་ནི་
D7a.012.0251a01.01འདས་པ་དང་བཅས་པའོ།། །།མདོར་ན། ཕུལ་དང་བླངས་དང་དགེ་འདུན་དང་། །བཞི་པ་དང་ནི་གཉིས་དང་མཚན། །ཆད་པ་བྲ་བ་གཅིག་ནས་གཅིག །ལམ་དང་མང་པོ་དེ་བཞིན་ནོ། །བཙུན་པ་དགེ་སློང་གིས་དད་པ་དང་སྐབས་ཕྱེ་བ་བླངས་ཏེ་སྟེང་གི་ནམ་མཁའ་ལ་མཚམས་
D7a.012.0251a02.01ཀྱི་སླད་རོལ་དུ་རེ་བ་མ་མཆིས་པར་མཆིས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དེ་སྟེ་རེ་བ་དང་བཅས་ནས་མཆིས་ན་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་མོད་ཀྱི་འདས་པ་དང་བཅས་པར་འགྱུར་རོ། བཙུན་པ་ས་ལ་
D7a.012.0251a03.01གནས་པ་རྣམས་ཀྱིས་ནམ་མཁའ་ལ་གནས་པ་རྣམས་ལ་དད་པ་དང་སྐབས་དབྱེ་བ་དབུལ་དུ་རུང་ངམ། ཨུ་པཱ་ལི་མ་ཡིན་ནོ། །བཙུན་པ་བླང་དུ་རུང་ངམ། ཨུ་པཱ་ལི་མ་ཡིན་ནོ། །བཙུན་པ་ནམ་མཁའ་ལ་གནས་པ་རྣམས་ཀྱིས་ས་ལ་གནས་པ་རྣམས་ལ་དད་པ་དང་སྐབས་དབྱེ་བ་
D7a.012.0251a04.01དབུལ་དུ་རུང་ངམ། ཨུ་པཱ་ལི་མ་ཡིན་ནོ། །དེ་བཞིན་དུ་མཚམས་ཀྱི་ནང་ན་འཁོད་པ་རྣམས་དང་། མཚམས་ཀྱི་ཕྱི་རོལ་ན་འཁོད་པ་རྣམས་ཀྱང་རྣམ་པ་བཞིར་བརྗོད་པར་བྱའོ། །བཙུན་པ་དགེ་སློང་གིས་དགེ་འདུན་ཐམས་ཅད་ཚོགས་ཤིང་འཁོད་པ་ལ་དད་པ་དང་སྐབས་དབྱེ་བ་
D7a.012.0251a05.01ཕུལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །སུས་བསྒྲག་པར་བགྱི། སུས་ཀྱང་མ་ཡིན་ནོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་ཀྱང་འཕགས་པའི་
D7a.012.0251a06.01སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །འཕགས་པས་མཐའ་འཁོབ་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་
D7a.012.0251a07.01