完整藏文原文 · 德格版页 当前仅加载第 12 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་སློང་གིས་དགེ་སློང་མའི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྐྱོས་ན་ཐམས་ཅད་ཉེས་བྱས་སུ་འགྱུར་རོ། །དགེ་སློང་མས་དགེ་སློང་
D7a.012.0146b01.01མའི་ལས་ཀྱིས་བསྐྱོས་ན་ལྟུང་བར་འགྱུར་རོ། །དགེ་སློང་མས་དགེ་ཚུལ་ཕ་དང་། དགེ་སློབ་མ་དང་། དགེ་ཚུལ་མ་རྣམས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་
D7a.012.0146b02.01ཀྱིས་བསྐྱོས་ན་ཅིར་འགྱུར། ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སུ་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་
D7a.012.0146b03.01དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་རིག་པའི་
D7a.012.0146b04.01སྐྱེས་པ་མེད་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རིག་པའི་སྐྱེས་པ་མ་མཆིས་པར་ཕྲིན་པ་ལས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། །
D7a.012.0146b05.01དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་སོ། །བཙུན་པ་དགེ་སློང་གིས་སྨྱོན་མ་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། །དེ་བཞིན་དུ་
D7a.012.0146b06.01སེམས་འཁྲུགས་པ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། གཉིད་ཀྱིས་ལོག་པ་དང་། ར་རོ་བ་དང་། མྱོས་མ་དང་། སྙོམས་པར་ཞུགས་མ་དང་། འགྲོ་བ་གཞན་དུ་གནས་པ་རྣམས་ལ་བཤད་ན་ཐམས་ཅད་ཀྱང་ཉེས་བྱས་སུ་འགྱུར་རོ། །
D7a.012.0146b07.01