完整藏文原文 · 德格版页 当前仅加载第 12 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་དགེ་སློང་གིས་དགེ་འདུན་གྱི་ཁྲི་དང་ཁྲིའུ་བཀྲམ་པ་ལས་མ་གཏད་པར་གཞན་དུ་མཆིས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་རྐང་པའི་ཚད་བདེ་བར་གཤེགས་པའི་སོར་བརྒྱད་ལས་ལྷག་གམ་མ་ཆོག་ན་ཉེས་བྱས་སུ་
D7a.012.0159a01.01འགྱུར་རོ། །བཙུན་པ་བསྙེན་པར་མ་རྫོགས་པས་མལ་སྟན་བཏིང་བ་ལ་བསྙེན་པར་མ་རྫོགས་པར་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཏིང་ལ་བསྙེན་པར་རྫོགས་ཀར་ཉེ་འཁོར་ལས་འདས་ན་ཅིར་འགྱུར། ཉེས་
D7a.012.0159a02.01བྱས་སོ། །བསྙེན་པར་མ་རྫོགས་པར་བཏིང་ལ་བསྙེན་པར་རྫོགས་པ་ན་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཏིང་ལ་བསྙེན་པར་རྫོགས་ཀར་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་
D7a.012.0159a03.01ཀར་བཏིང་ལ་བསྙེན་པར་རྫོགས་ཏེ་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཏིང་ལ་བསྙེན་པར་རྫོགས་ཏེ་ཉེ་འཁོར་ལས་འདས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཏིང་ལ་བསྙེན་པར་མ་རྫོགས་པར་
D7a.012.0159a04.01ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་ནས་མ་བརྟུལ་ཅིང་དགེ་སློང་མཆིས་པ་ལའང་མ་གཏད་པར། གཞན་དུ་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །
D7a.012.0159a05.01བཙུན་པ་དགེ་སློང་མས་དགེ་འདུན་གྱི་མལ་སྟན་བཏིང་བ་མ་བརྟུལ་ཅིང་དགེ་སློང་མ་མཆིས་པ་ལ་ཡང་མ་གཏད་པར། གཞན་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལས་
D7a.012.0159a06.01མ་བརྟུལ་ཅིང་དགེ་སློང་མཆིས་པ་ལ་ཡང་མ་གཏད་པར། མཚམས་ཀྱི་སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་ཏེ་གཞན་དུ་མཆིས་ན་ཅིར་འགྱུར། ལྟུང་བའོ། །མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་ན་ཉེས་པ་མེད་དོ། །
D7a.012.0159a07.01