完整藏文原文 · 德格版页 当前仅加载第 12 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་བཅའ་བ་དང་། བཟའ་བ་མ་གཏོགས་པར་དེ་ལས་གཞན་པའི་སྨན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་དང་། ཐལ་བ་དང་། ལན་ཚྭ་དང་། རྒྱ་སྐྱེགས་དང་།
D7a.012.0183a01.01བསྔལ་བ་ལ་སོགས་པ་བཞག་པར་གྱུར་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟས་ངན་པ་བཞག་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བཞག་པའི་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ།
D7a.012.0183a02.01ལྷའི་ཟས་ཟོས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཤར་གྱི་ལུས་འཕགས་གླིང་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་གྱི་གླིང་རྣམས་ཀྱི་བཞག་པ་འཚལ་ན་ཅིར་འགྱུར། ཨུ་པཱ་ལི་གལ་ཏེ་འཛམ་བུའི་གླིང་གི་དུས་སུ་དུས་ལས་འདས་པ་བཞག་པ་
D7a.012.0183a03.01ཀུན་དུ་སྤྱད་དེ་ཟོས་ན་ལྟུང་བར་འགྱུར་རོ། །འོན་ཏེ་དེ་དག་གི་དུས་སུ་དུས་ལས་འདས་ཏེ་ཟོས་ན་ཉེས་པ་མེད་དོ། །བཙུན་པ་དགེ་སློང་གིས་དགེ་སློང་མས་བཞག་པ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་མས་དགེ་སློང་གིས་བཞག་པ་འཚལ་ན་ཅིར་འགྱུར། ཉེས་
D7a.012.0183a04.01པ་མེད་དོ། །དགེ་སློང་དང་། དགེ་སློང་མས་བཞག་པ་དགེ་སློབ་མས་ཟོས་ན་ཉེས་པ་མེད་དོ། །བཙུན་པ་བསླབ་པ་སྩལ་བས་བཞག་པའི་བཅའ་བ་དང་བཟའ་བ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བཞག་པ་འཚལ་ན་ཅིར་འགྱུར། ལྟུང་བའོ། །བཙུན་པ་
D7a.012.0183a05.01དགེ་སློབ་མས་བཞག་པ་འཚལ་ན་ཅིར་འགྱུར། ཉེས་བྱས་སོ། །དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་བཞག་པ་ཟོས་ན་ཉེས་པ་མེད་དོ།། །།འདུལ་བ་གཞུང་དམ་པ། བམ་པོ་བཅུ་པ། མདོར་ན། སྨྱོན་པ་བྱིན་ལེན་བཅའ་བ་དང་། །མྱོས་པ་གཉིས་
D7a.012.0183a06.01དང་དོན་མེད་དང་། །མཚན་དང་བཞི་པ་གླིང་རྣམས་དང་། །སྤྲུལ་པ་མི་སྣང་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མ་སྩལ་བར་ཁར་བཅའ་བ་མིད་ན་ཆབ་དང་སོ་ཤིང་མ་གཏོགས་
D7a.012.0183a07.01