完整藏文原文 · 德格版页 当前仅加载第 12 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་བརྒྱུད་པ་རྣམས་སོ། །བཙུན་པ་དགེ་སློང་གིས་སྨྱོན་པ་ལས་དབྱར་གྱི་རས་ཆེན་མྱུར་དུ་བཙལ་ཏེ་རས་རྙེད་ན་ཅིར་འགྱུར། ཉེས་བྱས་སོ། །ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །སྨྱོན་པ་ལས་ཇི་ལྟ་བ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་
D7a.012.0138b01.01དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འདི་ལས་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལས་བཙལ་བ་དང་། དེ་བཞིན་
D7a.012.0138b02.01དུ་འགྲོ་བ་གཞན་དུ་གནས་པ་ལས་ཤིན་ཏུ་མྱུར་བར་བཙལ་ཏེ་རྙེད་ན་ཉེས་བྱས་སོ། །ཤིན་ཏུ་རིང་བར་བཅངས་ན་ཡང་ཉེས་བྱས་སུ་འགྱུར་རོ།། །།མདོར་ན། མི་རུང་བ་དང་དེ་བཞིན་མཚན། །ཐུན་མོང་བདུན་པ་དེ་བཞིན་ཏེ། །མཆོག་པ་དང་སེང་རས་དང་། །བཞི་པ་དང་ཡང་དགེ་
D7a.012.0138b03.01སློང་མའོ། །བཙུན་པ་དགེ་སློང་གིས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ལ་ཤིན་ཏུ་རིང་བར་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བ་སྟེ།
D7a.012.0138b04.01མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དེ་ལྟ་བུ་ལས་ཐགས་སུ་མ་བཏགས་པའི་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དབྱར་
D7a.012.0138b05.01གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་པ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་ཞིག་གིས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་པ་ན་མཚན་འཕོས་ཏེ་དགེ་སློང་དུ་གྱུར་
D7a.012.0138b06.01ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་དབྱར་གྱི་རས་ཆེན་ཐུན་མོང་བ་ཞིག་ཤིན་ཏུ་མྱུར་བར་བཙལ་ཏམ། ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་དབྱར་གྱི་རས་ཆེན་བསླངས་ནས་བསྙེན་པར་མ་རྫོགས་
D7a.012.0138b07.01