完整藏文原文 · 德格版页 当前仅加载第 12 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། གཅིག་ནས་གཅིག་ཏུ་བརྒྱུད་ནས་ཤེས་པར་བྱས་ཏེ་གྲོང་གཞན་དུ་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གྲོང་གཞན་དུ་ཟས་ལ་མགྲོན་དུ་བོས་པ་དང་། ཟས་སྔ་མའམ་ཕྱི་མ་ཡང་རུང་སྟེ། དེས་ཁྱིམ་བདག་སྨྱོན་པ་ཞིག་
D7a.012.0225a01.01ལ་འཚལ་བར་མ་བགྱིས་པར་གྲོང་གཞན་དུ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་
D7a.012.0225a02.01གནས་པ་རྣམས་ལ་ཤེས་པར་མ་བྱས་པར་གྲོང་གཞན་དུ་སོང་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །སྔགས་དང་མཚན་དང་བཞི་པ་དང་། །ཟས་དང་མགྲོན་དུ་བོས་པ་གཉིས། །མ་ནིང་བསླབ་བྱིན་དགེ་སློང་མའོ། །བཙུན་པ་དགེ་སློང་འཕགས་
D7a.012.0225a03.01པས་འཕགས་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་མཐའ་འཁོབ་
D7a.012.0225a04.01པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་ཁྱིམ་བདག་
D7a.012.0225a05.01འཚལ་བར་བགྱིས་ཏེ་གྲོང་གཞན་དུ་མཆིས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་ཁྱིམ་བདག་འཚལ་བར་བགྱིས་ཏེ་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་
D7a.012.0225a06.01གིས་དབེན་པ་ལ་མི་དབེན་པར་འདུ་ཤེས་ནས་འཚལ་བར་བགྱིས་ཏེ་གྲོང་དུ་མཆིས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འཚལ་བར་བགྱིས་ནས་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་
D7a.012.0225a07.01