完整藏文原文 · 德格版页 当前仅加载第 12 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་ལུས་ཀྱི་དམིགས་པས་དད་པ་སྩལ་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་འདུན་ཆོས་ངེས་པའི་གཏམ་སྨྲ་བའི་ཚེ་དགེ་སློང་འཕགས་པས་འཕགས་པའི་
D7a.012.0220b01.01སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་
D7a.012.0220b02.01བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་
D7a.012.0220b03.01འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་མི་མཆི་བར་སྟན་ལས་ལངས་ཏེ་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་
D7a.012.0220b04.01མི་མཆི་བར་སྟན་ལས་ལངས་ཏེ་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་
D7a.012.0220b05.01ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བསྒོ་བ་རྣ་ལ་གཟོན་ན་ལྟུང་བར་འགྱུར་རོ་ཞེས་གསུངས་ན།
D7a.012.0220b06.01བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་ཕྲིན་གྱིས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་སླར་བཟློག་སྟེ་མ་མཉན་ན་ཐམས་ཅད་
D7a.012.0220b07.01